গৌৰীপুৰত এটিম কাৰ্ড চোৰ আটক 

ধুবুৰীৰ পৰা আমিনুৰ আহমেদ

গৌৰীপুৰ নগৰ আৰক্ষীয়ে অভিযান চলাই চাৰিজনকৈ গভাইত চোৰক আটক কৰিবলৈ সক্ষম হয় ৷ ধৃত চোৰ কেইটা কেইবাদিন ধৰি গৌৰীপুৰৰ গণেশ আখৰা মন্দিৰত আশ্ৰয় গ্ৰহন কৰি বাহৰ পাতি বিভিন্নজনৰ এটি এম কাৰ্ড চুৰি কৰি একাউন্টৰ পৰা ধন সৰকাই আহিছে ৷ ইতিমধ্যে কেইবাজনো ভূক্তভোগীয়ে থানাত এটি এম কাৰ্ড হেৰুৱা বুলি গোচৰ ৰুজু কৰে ৷

গোচৰৰ ভিত্তিত আৰক্ষীয়ে অভিযান চলাই এই চাৰিজন চোৰক আটক কৰিবলৈ সক্ষম হয় ৷ ধৃত চোৰ কেইটা ক্ৰমে, আভাই সিং, অৰুন সিং, দিপক সিং, শৈলেন সিং আটাইৰে ঘৰ ইউ পিৰ প্ৰতাপগড় আৰু এলাহাবাদত বুলি জানিব পৰা গৈছে ৷ ধৃত চোৰ কেইটাৰ পৰা কেইবাখনো এটিএম কাৰ্ড আৰক্ষীয়ে জব্দ কৰিবলৈ সক্ষম হৈছে ৷ চোৰ কেইটাই উক্ত গণেশ আখৰা মন্দিৰত বাহৰপাতি এইদৰে এটিএমৰ পৰা ধনলুটি ইতিমধ্যে এখন পালছাৰ আৰু এখন ছুপাৰ স্পেলেণ্ডাৰ বাইক ক্ৰয় কৰিছে আৰু আৰক্ষীয়ে ইতিমধ্যে বাইক দুখন জব্দ কৰি থানালৈ নিয়ে ৷