লংকাত উদ্ধাৰ সন্ধানহীন ব্যৱসায়ীৰ মৃতদেহ

লংকাৰ পৰা মনোজ কুমাৰ পাঠক

মোৰাঝাৰৰ আমবাৰীৰ পৰা অপহৃত ব্যৱসায়ীৰ মৃতদেহ উদ্ধাৰ । লংকাৰ কাকীৰ মধুপুৰগাঁৱৰ পথাৰত উদ্ধাৰ ব্যৱসায়ীজনৰ মৃতদেহ ৷ উদ্ধাৰ হোৱা ঘটনাক কেন্দ্ৰ কৰি অঞ্চলজুৰি সৃষ্টি হৈছে তীব্ৰ চাঞ্চল্যৰ ।

হাত-ভৰি বন্ধা অৱস্থাত মৃতদেহটো প্ৰত্যক্ষ কৰে ৰাইজে । মঙলবাৰে মোৰাঝাৰৰ আমবাৰীৰ পৰা অপহৃত হৈছিল ব্যৱসায়ী আজিৰ উদ্দিন । আমবাৰী বজাৰৰ পৰা নিজৰ গেলামালৰ দোকান বন্ধ কৰি ঘৰলৈ ওভতাৰ পথতে অপহৰণ কৰিছিল ব্যৱসায়ীজনক ।

কিন্তু ৰহস্যজনক কথাটো হল যে অপহৰণকাৰীয়ে কোনো ধনদাবী নকৰাকৈ আজিৰ উদ্দিনক হত্যা কৰা ঘটনাই সৃষ্টি কৰিছে তীব্ৰ চাঞ্চল্যৰ ।

'চুপাৰি কিলাৰে' ব্যৱসায়ীজনক হত্যা কৰাৰ সন্দেহ কৰা হৈছে । সমগ্ৰ ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত ।