তামুলপুৰত হাতী পোৱালীৰ মৃত্যু 

আজি তামুলপুৰ ৰেঞ্জৰ নাগ্ৰীজুলিৰ ১নং বগৰীখুটিৰ বৰনদীৰ পাৰত বনৰীয়া হাতী পোৱালীৰ কৰুন মৃত্যু ঘটে ৷ নিশা খাদ্যৰ সন্ধানত অহা হাতীৰ জাকৰ পৰা ফালৰি কাটি বৰনদীৰ পাৰত ধান খেতি খাবলৈ আহি নিশা এনেদৰে কৰুন মৃত্যক সাৱটি ল'লে হাতীটোৱে ৷ আজি স্থানীয় লোকে বৰনদীৰ পাৰত গৰু এৰাল দিব আহি নদীৰ পাৰত এটি হাতী পোৱালী মৃতদেহ মাটিত পৰি থকি দেখা পায় ৷ ৰাইজে পিছত বন বিভাগৰ কৰ্মচাৰীক খবৰ দিয়ে ৷

বন বিভাগৰ বন পালক কৰ্মচাৰীসকল আহি হাতী পোৱালীটোৰ মৃতদেহ প্ৰত্যক্ষ কৰে ৷ বৰনদীৰ পাৰত মৃত হাতীটোৰ মৃতদেহ পশু চিকিৎসৰ দ্বাৰা মৰনোত্তৰ পৰীক্ষা কৰি সৎকাৰৰ দিহা কৰে ৷ আনহাতে ৰাইজ আৰু বন বিভাগৰ লোকে তিনি বছৰীয়া হাতী পোৱালিটো খাদ্যত বিষক্ৰিয়া হৈ মৃত্যু হোৱাৰ সন্দেহ প্ৰকাশ কৰিছে ৷ ইপিনে নিশা ভাৰত-ভূটান সীমান্তৰ শশীপুৰতো হাতীয় উপদ্ৰৱ ৷ ঘৰ দুৱাৰ ধংস কৰাৰ লগতে পথাৰৰ ধানখেতিৰ ক্ষতিসাধন ৷