ডাঃ জিতেন গোঁহাইৰ মৃত্যুত বটদ্ৰৱা নৰোৱা সত্ৰত শোক

নগাঁৱৰ পৰা ঋতুপৰ্ণ শৰ্মা

নগাঁৱৰ প্ৰসিদ্ধ শল্য চিকিৎসক তথা বিশিষ্ট সমাজকৰ্মী ডাঃ জিতেন গোঁহাইৰ যোৱা ১ অক্টোবৰত মৃত্যুত বটদ্ৰৱা নৰোৱা সত্ৰৰ সত্ৰাধিকাৰ তথা ভকতসকলে শোক প্ৰকাশ কৰিছে। যোৱা কালি সত্ৰৰ ভকতসকলৰ উপস্থিতিত সত্ৰধিকাৰ দেৱানন্দ দেৱগোস্বামী গুৰুজনাৰ একান্ত সেৱক চিকিৎসক ডাঃ জিতেন গোঁহাইৰ আত্মাৰ সদগতি কামনাৰে ভগবন্তৰ ওচৰত প্ৰাৰ্থনা জনোৱাৰ লগতে শোক সন্তপ্ত পৰিয়ালবৰ্গলৈ সমবেদনা জ্ঞাপন কৰে । উল্লেখ্য যে ডাঃ জিতেন গোঁহাই নৰোৱা সত্ৰৰ প্ৰয়াত সত্ৰাধিকাৰ তথা বিশিষ্ট সত্ৰীয়া শিল্পী পূৰ্ণচন্দ্ৰ দেৱগোস্বামীৰ শিষ্যত্ব গ্ৰহণ কৰি গুৰু সেৱাত নিয়োজিত হৈছিল ।