বেবেজীয়াত প্ৰাক্তন অধ্যক্ষা ইৰা বৰঠাকুৰৰ গ্ৰন্থ 'প্ৰেৰণা' উন্মোচন

নগাঁৱৰ পৰা ঋতুপৰ্ণ শৰ্মা

নগাঁও জিলাৰ আগশাৰীৰ শিক্ষানুষ্ঠান বেবেজীয়া পণ্ডিত কনক শৰ্মা উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষা তথা লেখিকা ইৰা বৰঠাকুৰৰ ৰচিত 'প্ৰেৰণা' গ্ৰন্থখনি বুধবাৰে উন্মোচন কৰা হয় ।

এই উপলক্ষে বিদ্যালয়ৰ প্ৰেক্ষাগৃহত আয়োজিত অনুষ্ঠানত গ্ৰন্থখনি  উন্মোচন কৰে অৱসৰপ্ৰাপ্ত অধ্যক্ষ লক্ষ্মী নাৰায়ণ শৰ্মাই । বিদ্যালয়ৰ সহকাৰী শিক্ষক অৰূপ বেজবৰাই আঁতধৰা সভাখনিত প্ৰাক্তন অধ্যক্ষদ্বয় যাদৱ চন্দ্ৰ বৰা, পূৰ্ণ চন্দ্ৰ বেজবৰুৱা, প্ৰাক্তন উপাধ্যক্ষ প্ৰণতি গোস্বামী আৰু বৰ্তমানৰ উপাধ্যক্ষ গীতা শইকীয়াই ভাষণ আগবঢ়ায় ।

বিদ্যালয়ৰ অধ্যক্ষ কৃষ্ণ দুলাল বৰুৱাৰ সভাপতিত্বত অনুষ্ঠিত সভাত অঞ্চলটোৰ বহুকেইজন সমাজকৰ্মীৰ লগতে বিদ্যালয়ৰ ছাত্ৰ-ছাত্ৰী উপস্থিত থাকে ।