বিলাসীপাৰা জিলা সমিতিৰ উদ্যোগত এ আই ইউ ডি এফৰ ১৩ সংখ্যক প্ৰতিষ্ঠা দিৱস উদযাপন 

বিলাসীপাৰাৰ পৰা জহিৰুল ইছলাম
সমগ্ৰ ৰাজ্যখনৰ লগতে  ধুবুৰী জিলাৰ বিলাসীপাৰা জিলা সমিতি কাৰ্য্যলায় প্ৰাঙ্গণত আজি এ আই ইউ ডি এফ দলৰ ১৩ সংখ্যক প্ৰতিষ্ঠা দিৱস উদযাপন কৰা হয়। প্ৰতিষ্ঠা দিৱসৰ কাৰ্য্যসূচী অনুসৰি পুৱা ১০ বজাত দলীয় পতাকা উত্তোলন কৰা হয় । দলীয় পতাকা উত্তোলন কৰে এ আই ইউ ডি এফৰ বিলাসীপাৰা জিলা সমিতি সভাপতিৰ সম্পাদকদ্বয় ক্রমে আলহাজ আব্দুল খালেক আৰু আলহাজ  আব্দুল জলিলে ।

দলীয় পতাকাক সন্মান জনাই এ আই ইউ ডি এফ জিন্দাবাদ, মৌলানা বদৰুদ্দিন আজমল জিন্দাবাদ, হাফিজ বছিৰ আহমেদ কাছেমী জিন্দাবাদ আৰু জিলা কমিটি জিন্দাবাদ আদি শ্লোগানেৰে পৰিৱেশ উত্তাল কৰি তোলে । এ আই ইউ ডি এফ দলৰ প্ৰতিষ্ঠা দিৱস উদ্‌যাপন উপলক্ষে বিলাসীপাৰা জিলা সমিতিৰ সভাপতি আলহাজ আব্দুল খালেকৰ সভাপতিত্বত এখন সভা অনুষ্ঠিত হয় ।

উক্ত সভাত এ আই ইউ ডি এফৰ কৰ্মী আ: মজিদ, আ: আজিজ, কলিম উদ্দিন মণ্ডল, আবুল হুছাইন,কহিনুৰ বেগম আদিৰ লগতে বিলাসীপাৰা জিলা জমিয়তৰ সাধাৰণ সম্পাদক মৌলানা ছুলাইমান আলী আৰু ইউ ডি এছ এফৰ (ছাত্ৰ মৰ্চাৰ) কেন্দ্ৰীয় সাধাৰণ সম্পাদক মোছলেম উদ্দিন মণ্ডল আদি উপস্থিত থাকি ভাষণ প্ৰদান কৰে। আজিৰ প্ৰতিষ্ঠা দিৱস উদ্‌যাপন অনুষ্ঠানত শতাধিক দলীয় কৰ্মী উপস্থিত থাকে। ইয়াৰ লগত সংগতি ৰাখি এ আই ইউ ডি এফ কৰ্মীসকলে  বিলাসীপাৰা অসামৰিক চৰকাৰী চিকিৎসালয়ত ভৰ্তি হোৱা ৰোগীসকলৰ মাজত ফল মূল আদি বিতৰণ কৰে ।