ৰূপহীহাটত বিধ্বংসী জুইত জাহ গ'ল ২০ লক্ষাধিক টকাৰ সম্পত্তি

জুৰীয়াৰ পৰা উত্তম কুমাৰ বৰা

নগাঁও জিলাৰ ৰূপহীহাটত আজি পুৱতিনিশা এক ভয়াৱহ অগ্নিকাণ্ড সংঘটিত হয় ৷ ৰূপহীহাটৰ পশ্চিম শিঙিমাৰীৰ আবুল বাসাৰৰ ঘৰত সংঘটিত হয় এই অগ্নিকাণ্ড ৷ বৈদ্যুতিক শ্বৰ্ট চাৰ্কিটৰ পৰা সূত্ৰপাত হোৱা জুয়ে ভস্মীভূত কৰে তিনিটাকৈ ঘৰ ৷

প্ৰায় ২০ লক্ষাধিক টকাৰ সা-সামগ্ৰীৰ লগতে বহু গুৰুত্বপূৰ্ণ নথি-পত্ৰও ভস্মীভূত হয় এই অগ্নিকাণ্ডৰ ফলত ৷ স্হানীয় ৰাইজৰ তৎপৰতাত নিয়ন্ত্ৰণ হয় জুই ৷ আনহাতে, ঘটনাস্থলীত অগ্নিনিৰ্বাপক বাহিনীৰ গাড়ী পলমকৈ উপস্হিত হোৱাৰ অভিযোগ উত্থাপন কৰে ৰাইজে ৷