বিলাসীপাৰাত ১৫০ সংখ্যক গান্ধী জয়ন্তী উদযাপন 

বিলাসীপাৰাৰ পৰা জহিৰুল ইছলামৰ প্ৰতিবেদন 
সমগ্ৰ ভাৰতবৰ্ষৰ লগতে নামনি অসমৰ ধুবুৰী জিলাৰ বিলাসীপাৰাত ১৫০ সংখ্যক গান্ধী জয়ন্তী উদযাপন কৰা হয়। উল্লেখ্য যে ১৮৬৯ চনৰ ২ অক্টোবৰ তাৰিখে মহামানৱ জাতিৰ পিতা মহাত্মা গান্ধীৰ জন্ম হয় । সেই উপলক্ষে আজি পুৱা ১১ বজাত বিলাসীপাৰা পশ্চিম সমষ্টিৰ যুৱ কংগ্ৰেছৰ উদ্যোগত বিলাসীপাৰা থানা মোৰত আৰু বিলাসীপাৰা ব্লক কংগ্ৰেছৰ উদ্যোগত বিলাসীপাৰা ৰাজীৱ ভৱনত ১৫০ সংখ্যক গান্ধী জয়ন্তী উদযাপন কৰাৰ হয়।

এই মহান নেতাগৰাকীৰ প্ৰতিচ্ছবিত বিলাসীপাৰা পশ্চিম সমষ্টিৰ যুৱ কংগ্ৰেছৰ সভাপতি ছাফিজুৰ ৰহমানে(আলকাছ) মাল্যাঅৰ্পণ কৰি পুষ্পাঞ্জলি কৰে । উক্ত অনুষ্ঠানত ধুবুৰী জিলাৰ যুৱ  কংগ্ৰেছৰ সাধাৰণ সম্পাদক আকতাৰ হুছাইনৰ লগতে নায়েৰ আলগা ব্লক কংগ্ৰেছৰ উপ-সভাপতি আলহাজ জয়নাল আবেদীন, সাধাৰণ সম্পাদক আফজালুৰ ৰহমান, কোকৰাঝাৰ জিলাৰ এন এছ ইউ আইৰ সভাপতি জয়নুদ্দিন সেখ, বিলাসীপাৰা পশ্চিম সমষ্টিৰ যুৱ কংগ্ৰেছৰ প্ৰাক্তন সভাপতি চফিকুল ইছলাম, জ্যেষ্ঠ মুৰব্বী আবুল হাসেমৰ লগতে বিলাসীপাৰা পশ্চিম সমষ্টিৰ যুৱ কংগ্ৰেছৰ কৰ্মী সকলকে ধৰি কংগ্ৰেছ দলৰ বিভিন্ন পৰ্য্যায়ৰ কৰ্মী আদিয়ে অংশগ্ৰহণ কৰি জাতিৰ পিতা মহাত্মা গান্ধীক পুষ্পাঞ্জলি অৰ্পণ কৰি গান্ধী জয়ন্তী উদযাপন সম্পৰ্কে বিভিন্ন বক্তাই বক্তৃতা প্ৰদান কৰে।

বিলাসীপাৰা পশ্চিম সমষ্টিৰ যুৱ কংগ্ৰেছৰ কৰ্মী সকলে গান্ধী জয়ন্তী উদযাপনৰ লগতে সংগতি ৰাখি বিলাসীপাৰা অসামৰিক চিকিৎসালয়ত ভৰ্তি হোৱা ৰোগীসকলৰ মাজত ফল-মূল আদি বিতৰণ কৰে। একেদৰে বিলাসীপাৰা ব্লক কংগ্ৰেছৰ উদ্যোগত বিলাসীপাৰা ৰাজীৱ ভৱনত মহামানৱ মহাত্মা গান্ধীৰ জন্ম জয়ন্তী উদযাপন কৰে । মহাত্মা গান্ধীৰ প্ৰতিচ্ছবিত মাল্য অৰ্পণ কৰে। অসম প্ৰদেশ কংগ্ৰেছৰ সাধাৰণ সম্পাদক অমৃত বাদশাই জাতিৰ পিতা মহাত্মা গান্ধীৰ প্ৰতিচ্ছবিত মাল্যাঅৰ্পণ কৰে ৷ উক্ত অনুষ্ঠানত বিলাসীপাৰা কংগ্ৰেছৰ সকলো নেতা-কৰ্মী উপস্থিত থাকি মহান নেতা গৰাকীক শ্ৰদ্ধা জনায় । গান্ধী জয়ন্তী উদযাপন উপলক্ষে বিলাসীপাৰা ব্লক কংগ্ৰেছৰ সভাপতি আবু বক্কাৰ ছিদ্দিকৰ সভাপতিত্বত এখন সভা অনুষ্ঠিত কৰে। সভাত অসম প্ৰদেশ কংগ্ৰেছৰ সাধাৰণ সম্পাদক অমৃত বাদশাৰ লগতে বিশিষ্ট নেতাসকলে উপস্থিত থাকি গান্ধী জয়ন্তী উদ্‌যাপন সম্পৰ্কে মহামূল্যৱান ভাষণ প্ৰদান কৰে ।