ধুবুৰীত গান্ধী জয়ন্তী পালন

ধুবুৰীৰ পৰা আমিনুৰ আহমেদ

আজি গান্ধী জয়ন্তী উপলক্ষে ধুবুৰী জিলা পুথিভঁৰাল প্ৰেক্ষাগৃহত আয়োজন কৰা হয় এক গুৰুত্বপূৰ্ণ অনুষ্ঠান। দৰাচলতে স্বচ্ছ ভাৰত অভিযানৰ অংশ হিচাপে ধুবুৰী জিলা প্ৰশাসনে আৰম্ভ কৰা ‘স্বচ্ছতাই সেৱা’ কাৰ্য্যসূচীৰ প্ৰচাৰ আৰু প্ৰসাৰৰ বাবে পষেকীয়াভাবে স্বচ্ছতাই সেৱা প্ৰচাৰ আৰম্ভ হয়। আজি অন্তিমদিনা গান্ধী জয়ন্তীৰ লগত 40)সংগতি ৰাখি অনুষ্ঠিত কৰা হয় এই  সামৰণী অনুষ্ঠানৰ ।

এই সামৰণী অনুষ্ঠানত ধুবুৰীৰ জ্যেষ্ঠ্ নাগৰিক তথা প্ৰবীণ সাংবাদিক গিৰিন্দ্ৰ গোস্বামীৰ লগতে আন কেইবাজনে গান্ধীজীৰ জীৱন প্ৰণালী আৰু স্বচ্ছতাৰ ওপৰত গুৰুত্বপূৰ্ণ ভাষণ প্ৰদান কৰে। জিলা উপায়ুক্তৰ সভাপতিত্বত অনুষ্ঠিত সামৰণী অনুষ্ঠানত স্বচ্ছতাৰ ক্ষেত্ৰত গুৰুত্বপূৰ্ণ ভূমিকা গ্ৰহণ কৰি অহাসকলক বিশেষভাৱে বঁটা প্ৰদান কৰা হয়।
অনুষ্ঠানত ইপিনে গান্ধীজী জীৱন প্ৰণালী আৰু স্বচ্ছতাৰ ওপৰত বহু গুৰুত্বপূৰ্ণ সাৰুৱা ভাষণ প্ৰদান কৰি সকলোকে আপ্লুত কৰে এগৰাকী ছাত্ৰীয়ে ৷ উল্লেখ্য যে আজিৰ সভাত কেইবাগৰাকীও সাংবাদিকৰ লগতে ছাত্ৰ-ছাত্ৰী, শিক্ষক-শিক্ষয়ত্ৰীকো বঁটা প্ৰদান  কৰা হয় ৷