পুনৰ প্ৰমাণ হ'ল জালুকবাৰীত ডঃ হিমন্ত বিশ্ব শৰ্মা অপৰাজেয়

জালুকবাৰী সমষ্টিত বিপুল ভোটৰ ব্যৱধানত জয়লাভ কৰিলে ডঃ হিমন্ত বিশ্ব শৰ্মাই।এই জয়লাভে প্ৰমাণ কৰিলে যে জালুকবাৰী সমষ্টিত ডঃ শৰ্মা অপৰাজেয়।ডঃ শৰ্মাক নিৰ্বাচনী যুঁজত শক্তিশালীভাৱে প্ৰত্যাহ্বান জনোৱা কোনো ৰাজনৈতিক ব্যক্তি নাই।উল্লেখ যে এইবাৰৰ নিৰ্বাচনত ১,০১,৯১১ ভোটৰ ব্যৱধানত নিকটতম কংগ্ৰেছ প্ৰাৰ্থী ৰমেন বৰঠাকুৰক পৰাস্ত কৰে ডঃ শৰ্মাই।এইবাৰৰ ডঃ শৰ্মাৰ জয়লাভৰ ব্যৱধান বিগত ২০১৬ৰ নিৰ্বাচনতকৈ অধিক।২০২১ত জালুকবাৰীত ডঃ হিমন্ত বিশ্ব শৰ্মাৰ বিজয় এইবাবেও গুৰুত্বপূৰ্ণ যে এইবাৰ প্ৰভাৱশালী বিজেপি

 নেতাগৰাকীয়ে নিজে সমষ্টিত উপস্থিত হৈ কোনো প্ৰচাৰ কৰা নাছিল।প্ৰচাৰ অভিযানৰ শেষৰ দিনা শুৱালকুচিত এখন নিৰ্বাচনী সভাত তেওঁ কেৱল উপস্থিত হৈ ৰাইজৰ আশীৰ্বাদ বিচাৰিছিল।ডঃ শৰ্মাৰ হৈ মূলতঃ প্ৰচাৰ চলাইছিল নেতাগৰাকীৰ সহধৰ্মিনী ৰিণিকি বিশ্ব শৰ্মাই।

জালুকবাৰীৰ ৰাজনৈতিক ক্ষেত্ৰত ডঃ হিমন্ত বিশ্ব শৰ্মা যে প্ৰতিদ্বন্দীবিহীন,সেই কথা পুনৰ প্ৰমাণ কৰিলে ২০২১চনৰ বিধানসভা নিৰ্বাচনে।সাত শতৰুয়েও ক'ব জালুকবাৰীত ডঃ শৰ্মাৰ জনপ্ৰিয়তা অসমৰ ভিতৰতে তুলনাবিহীন।