ভাৰতত বিগত ২৪ ঘন্টাত ২,৩৪,৬৯২টা নতুন ক'ভিড সংক্ৰমণ

ভাৰতৰ কোভিড আক্রান্তৰ সংখ্যা ২,৩৪,৬৯২ টা নতুন সংক্ৰমণৰ সৈতে বিগত ২৪ ঘন্টাত ১.৪৫ কোটিলৈ বৃদ্ধি হৈছে।এয়া হৈছে এতিয়ালৈকে আটাইতকৈ অধিক দৈনিক বৃদ্ধি।দেশত একেৰাহে তৃতীয় দিনৰ বাবে ২ লাখৰো অধিক ক'ভিড আক্ৰান্ত হৈছে।বিগত ২৪ ঘন্টাত ৩৪১ জন লোকৰ মৃত্যু হৈছে। 

মহাৰাষ্ট্ৰ আৰু দিল্লীত বিগত ২৪ ঘণ্টাত সৰ্বাধিক সংক্ৰমণ বৃদ্ধি পাইছে। ৬৩,৭২৯ টা নতুন সংক্ৰমণৰ সৈতে মহাৰাষ্ট্ৰত এতিয়া আক্ৰান্তৰ সংখ্যাই ৩৭ লাখৰ সীমা অতিক্ৰম কৰিছে। দিল্লীত যোৱা ২৪ ঘণ্টাত ১৯,৪৮৬টা নতুন সংক্ৰমণৰ ঘটনা নথিভুক্ত কৰা হৈছে‌।