উত্তৰাখণ্ডৰ জলপ্ৰলয়ত নিহতৰ সংখ্যা ২৬ জনলৈ বৃদ্ধি

উত্তৰাখণ্ডৰ জলপ্ৰলয়ত নিহত লোকৰ সংখ্যা ২৬জনলৈ বৃদ্ধি পাইছে।বৰ্তমানলৈকে উদ্ধাৰকাৰী দলে ২৬জন লোকৰ মৃতদেহ উদ্ধাৰ কৰিছে বুলি জানিব পৰা গৈছে।

আৰক্ষীয়ে প্ৰকাশ কৰা তথ্য অনুসৰি, এতিয়াও ১৭১গৰাকী লোকৰ সন্ধান পোৱা নাই ৷ উদ্ধাৰকাৰী দলৰ উদ্ধাৰ অভিযান অব্যাহত আছে।সন্ধানহীন ব্যক্তিসকলৰ ভিতৰত ৩৫ জন টিপিচি সুৰংগৰ ভিতৰত আছে বুলি সন্দেহ কৰা হৈছে৷

উল্লেখ্য যে দেওবাৰৰ ভয়ংকৰ জলপ্ৰলয়ৰ সময়ত এশৰো অধিক শ্ৰমিক এছটিপিচিৰ সুৰংগত কৰ্মৰত অৱস্থাত আছিল।