নলবাৰীলৈ গৌৰৱ কঢ়িয়াই অনা পাঁচগৰাকী স্থানপ্ৰাপ্ত শিক্ষাৰ্থীক এনএছইউআইৰ অভিনন্দন 

ঘগ্ৰাপাৰৰ পৰা দ্বিজেন ডেকা:

বৃহস্পতিবাৰে ঘোষিত উচ্চতৰ মাধ্যমিক চূড়ান্ত পৰীক্ষাত সুখ্যাতিৰে উত্তীৰ্ণ হৈ নলবাৰী জিলালৈ গৌৰৱ কঢ়িয়াই অনা পাঁচগৰাকী স্থানপ্ৰাপ্ত ছাত্ৰ-ছাত্ৰীক নলবাৰী জিলা এনএছইউআইৰ পৰা তৰফৰ পৰা অভিনন্দন জনায়।ছাত্ৰ সংগঠনটোৱে বৃহস্পতিবাৰে ফলাফল ঘোষণা কৰাৰ পিছতে কৃতিমান এইসকল শিক্ষাৰ্থীৰ ঘৰে ঘৰে গৈ  আনুষ্ঠানিকভাৱে অভিনন্দন জ্ঞাপন কৰাৰ লগতে একোখন গামোচা-মানপত্ৰৰে সম্বৰ্ধনা জনায়।উক্ত অনুষ্ঠানত উপস্থিত থাকে নলবাৰী জিলা কংগ্ৰেছৰ সাধাৰণ সম্পাদক সমীৰ হুচেইন,নলবাৰী জিলা এনএছইউআইৰ সাধাৰণ সম্পাদক আছিফ আহমেদ,  সম্পাদক ৰিচি আহমেদ,৫৯ নং সমষ্টি বিধান সভাৰ এনএছইউআইৰ উপ-সভাপতি তুষাৰ আলী,নলবাৰী কংগ্ৰেছৰ ইয়ং ব্ৰিগেড সেৱা দলৰ সম্পাদক নিতুল বৈশ‍্য,ঘগ্ৰাপাৰ ব্লক কংগ্ৰেছৰ সভাপতি ভূৱনেশ্বৰ কলিতা আদি।

ইফালে,অসম প্ৰদেশ কংগ্ৰেছৰ সাধাৰণ সম্পাদক তথা নলবাৰী সমষ্টিৰ যুৱ নেতা প্ৰদ্যুৎ কুমাৰ ভূঞা আৰু নলবাৰী জিলা কংগ্ৰেছৰ সভাপতি  দিগন্ত বৰ্মনে স্থানপ্ৰাপ্ত ছাত্ৰ-ছাত্ৰীসকলক শুভেচ্ছা জ্ঞাপন কৰিছে।