বৰভাগত সাংবাদিক,চিকিৎসক,চক্ৰ বিষয়া আৰু আৰক্ষীক ছাত্ৰ সন্থাৰ সম্বৰ্ধনা

নৰেন শৰ্মা,বাহাৰঘাট:

নলবাৰী জিলাৰ বৰভাগ আঞ্চলিক ছাত্র সন্থাই সোমবাৰে বৰভাগ প্ৰেছ ক্লাবৰ সমূহ সাংবাদিকক সম্বৰ্ধনা জনায়।লকডাউনৰ সময়ত সাংবাদিকসকলে গ্ৰহণ কৰা ভূমিকাৰ বাবে আঞ্চলিক ছাত্র সন্থাই তেওঁলোকক সম্বৰ্ধনা জনায়।শ্বহীদ ভৱন,ৰণাকুছিত বৰভাগ আঞ্চলিক ছাত্র সন্থাৰ সভাপতি ব্ৰজেন কলিতাৰ সভাপতিত্বত অনুষ্ঠিত সভাখনত নলবাৰী জিলা ছাত্র সন্থাৰ সহকাৰী সম্পাদক তথা বৰভাগ আঞ্চলিক ছাত্ৰ সন্থাৰ উপদেষ্টা সমৰজ্যোতি মহন্ত, সীমান্ত কলিতা উপস্থিত থাকি ক'ভিড-১৯ৰ বিৰূদ্ধে নিজৰ জীৱনক তুচ্ছ কৰি সাংবাদিকসকলে গ্ৰহণ কৰা ভূূমিকাক প্ৰশংসা কৰে।বৰভাগ আঞ্চলিক ছাত্র সন্থাৰ সাধাৰণ সম্পাদক নয়নজ্যোতি কলিতাই আঁত ধৰা সভাখনত বৰভাগ প্ৰেছ ক্লাবৰ সভাপতি ৰমেন তালুকদাৰ,উপদেষ্টা ৰমেন কলিতা,সাধাৰণ সম্পিদক হিমজ্যোতি ভূঞা,সহকাৰী সম্পাদক পংকজ কলিতা, পত্ৰিকা সম্পাদক দণ্ডীৰাম দাস,কাৰ্যবাহী সদস্য অৰবিন্দ চক্ৰৱৰ্তী,হীৰক কলিতাক গামোচা,মাস্ক আৰু কৃতজ্ঞতাপত্ৰৰে সম্বৰ্ধনা জনায়।ইয়াৰ পিছতে কমাৰকুছি প্ৰাথমিক স্বাস্থ্য কেন্দ্ৰ,কালাগ সামূহিক স্বাস্থ্য কেন্দ্ৰৰ চিকিৎসক,নাৰ্চ,কৰ্মচাৰীৰ লগতে বৰভাগ ৰাজহচক্ৰৰ চক্ৰ বিষয়া চন্দনা বৰুৱা, কমাৰকুছি আৰক্ষী চকীৰ ভাৰপ্ৰাপ্ত বিষয়া ৰাজশ্ৰী বুঢ়াগোহাঁইকো সম্বৰ্ধনা জনায়।