ঘগ্ৰাপাৰৰ ক্ষুদ্ৰ ব‍্যৱসায়ী মনোৰঞ্জন কলিতাৰ মৃত্যু  

দ্বিজেন ডেকা,ঘগ্ৰাপাৰ:

নলবাৰী জিলাৰ ঘগ্ৰাপাৰ ৰাজহ চক্ৰৰ অন্তৰ্গত বাঘমাৰা গাঁও নিৱাসী তথা ক্ষুদ্র ব‍্যৱসায়ী মনোৰঞ্জন কলিতা (২৮)ৰ  শুকুৰবাৰে আকষ্মিকভাৱে মৃত্যু হোৱাত ঘগ্ৰাপাৰ অঞ্চলত শোকৰ ছাঁ পৰিছে।বাঘমাৰা গাঁৱৰ প্ৰয়াত ধৰ্ম ৰাম কলিতাৰ একমাত্ৰ পুত্ৰ মনোৰঞ্জনৰ কিছুদিন পুৰ্বে এখন ভৰিত কাঁইটে বিন্ধিছিল।ইয়াৰ অচিলাতে মনোৰঞ্জন কলিতা শাৰীৰিকভাৱে ক্ৰমান্বয়ে দুৰ্বল হৈ পৰাত গুৱাহাটী চিকিৎসা মহাবিদ্যালয়ত চিকিৎসাধীন হৈ থকাৰ সময়তে  শুকুৰবাৰে তেওঁৰ মৃত্যু হয়।ঘগ্ৰাপাৰ বজাৰ চ'কত ক্ষুদ্র ব‍্যৱসায় কৰি পৰিয়ালক পোহ -পাল দি থকা মনোৰঞ্জন কলিতাই মৃত্যুৰ সময়ত মাতৃসহ এগৰাকী ভগ্নীক এৰি থৈ যায়।তেওঁৰ মৃত্যুত দক্ষিণ ঘগ্ৰাপাৰ বজাৰ কমিটী,ঘগ্ৰাপাৰ প্ৰেছ ক্লাব,বাঘমাৰা গাঁও উন্নয়ন সমিতি,ঘগ্ৰাপাৰ শংকৰ মন্দিৰ,হিন্দু জাগৰণ মঞ্চৰ নলবাৰী সমিতি,বড়িগোগ বনভাগ মণ্ডল বিজেপি,বাঘমাৰা বুথ বিজেপি আদিয়ে গভীৰ শোক প্ৰকাশ কৰে।ইফালে মৃতকৰ আত্মৰ সদগতিৰ কামনাৰ অৰ্থে শনিবাৰে পুৱা ছয় বজাৰ পৰা ১২ ঘন্টীয়াকৈ দক্ষিণ ঘগ্ৰাপাৰ ব‍্যৱসায়ী সন্থাই সকলো ধৰণৰ দোকান-পোহৰ বন্ধ ৰাখিছে।