বৰপেটাৰোড সাহিত্য সভাত কলাগুৰুলৈ শ্ৰদ্ধাঞ্জলি

বৰপেটাৰোডৰ পৰা ৰঞ্জিত তালুকদাৰ:

কলাগুৰু বিষ্ণু প্ৰসাদ ৰাভাৰ মৃত্যু দিৱস আজি অতি অনুষ্টুপীয়াকৈ বৰপেটাৰোড সাহিত্য সভাৰ উদ্যোগত পালন কৰা হয়।এই উপলক্ষে অসম সাহিত্য সভাৰ পতাকা উত্তোলন কৰে বৰপেটাৰোড সাহিত্য সভাৰ সভাপতি হিতেশ দাসে।

সম্পাদক কুলেন চৌধুৰীয়ে পৰিচালনা কৰা শ্ৰদ্ধাঞ্জলি অনুষ্ঠানটোত বিষ্ণু-জ্যোতি সৰোবৰত থকা কলাগুৰুৰ প্ৰতিমূৰ্তিত মাল্যাৰ্পণ কৰে বৰপেটাৰোড আঞ্চলিক মহিলা সমিতিৰ সম্পাদিকা জয়মতী তালুকদাৰে ৷ আনহাতে,ৰূপকোঁৱৰ জ্যোতিপ্ৰসাদ আগৰৱালাৰ প্ৰতিমূৰ্তিত মাল্যাৰ্পণ কৰি সাহিত্য সভাৰ উপ-সভাপতি অৰূপ বায়নৰ লগতে আন সদস্যসকলেও শ্ৰদ্ধাঞ্জলিৰে কলাগুৰুজনাক স্মৰণ কৰে।