হাজোৰ গেৰুৱাত এজনৰ দেহত ওলাল ক'ভিড পজিটিভ

হাজোৰ পৰা কমলাকান্ত দাস:

হাজো ৰাজহ চক্ৰৰ অন্তৰ্গত গেৰুৱাৰ এজন যুৱকৰ দেহত  ক'ভিড-১৯ পজিটিভ ধৰা পৰা ঘটনাই গাঁওখনৰ ৰাইজক শংকিত কৰিছে।জানিব পৰা মতে,হাজোৰ গেৰুৱাৰ দ্বীপেন দাস(৩৩) নামৰ যুৱকজন ফাঁঁচীবজাৰৰ তিৱাৰী মাৰ্কেটৰ কাপোৰৰ দোকানত কৰ্মচাৰী হিচাপে আছিল।তেওঁঁ কেইদিনমান পূৰ্বে ঘৰলৈ আহিছিল।জনা মতে চাৰি দিন পূৰ্বে যুৱকজনৰ ছোৱাব টেষ্ট লৈ যোৱাৰ পিছত শুকুৰবাৰে। তেওঁৰ ছোৱাব টেষ্টৰ ফলাফলত পজিটিভ ওলাই পৰে।ইয়াৰ পিছতে প্ৰশাসন আৰু স্বাস্থ্য বিভাগৰ লোকে দ্বীপেন দাসৰ দুই ভাতৃ আৰু তেওঁৰ সম্পৰ্কলৈ ভৈৰৱ শৰ্মা,গোপাল দাস আৰু অশোক দাসৰ ঘৰলৈ অইন লোকৰ অহা-যোৱা বন্ধ কৰি দিয়ে।তেওঁৰ সম্পৰ্কলৈ অহাসকলৰ শনিবাৰে ছোৱাবৰ নমুনা সংগ্ৰহ কৰিব বুলি জানিব পৰা গৈছে।