পিয়াঁজ কঢ়িওৱা ট্ৰাকৰ পৰা গুৱাহাটীত ১২লাখ টকাৰ ফেন্সীডাইল জব্দ

গুৱাহাটী মহানগৰীৰ কেন্দ্ৰীয় কাৰাগাৰৰ সমীপৰ কৃষ্ণ কাটাত বৃহস্পতিবাৰে ক্ৰাইম ব্রান্স আৰু বশিষ্ঠ আৰক্ষীৰ অভিযান।অভিযানত জব্দ প্ৰায় ১২ লাখ টকাৰ ফেন্সী ডাইল।৪০টা কাৰ্টনত আছিল এই নিষিদ্ধ ফেন্সীডাইলখিনি।

এখন ট্ৰাকৰ পৰা জব্দ কৰা নিষিদ্ধ সামগ্ৰীৰে সৈতে গ্ৰেপ্তাৰ কৰা হৈছে দুই সৰবৰাহকাৰীক। ধৃত সৰবৰাহকাৰী হৈছে জন ইমৰান আৰু কুৰবান।

উল্লেখ যে পিয়াজ কঢ়িওৱা এম এন ০৫ চি ১৬৯২ নম্বৰৰ ট্ৰাকৰ পৰা জব্দ কৰা নিষিদ্ধ সামগ্ৰীখিনি লৈ যোৱা হৈছিল মণিপুৰলৈ। 

আৰক্ষীৰ সূত্ৰৰ পৰা লাভ কৰা খবৰ অনুসৰি বেহাৰবাৰীৰ এটা গুদামত এই নিষিদ্ধ সামগ্ৰীখিনি ট্ৰাকত উঠোৱা হৈছিল।ইফালে দুষ্ট চক্ৰটোৱে ট্ৰাকত কৃষ্ণ কাটাত পিয়াঁজৰ বস্তা উঠাই থকা অৱস্থাত ক্ৰাইম ব্রান্স আৰু বশিষ্ঠ আৰক্ষীয়ে হাতে লোটে কৰায়ত্ত কৰে সামগ্ৰীসহ ট্ৰাক খন।