ৰাজ্যত নতুনকৈ কভিড-১৯ আক্ৰান্ত কেইজন কোন কোন ?

নিউজ ডেস্ক :

ৰাজ্যত ক'ৰোনা আক্ৰান্ত লোকৰ সংখ্যা সৰ্বমুঠ ৯৫জনলৈ বৃদ্ধি পালে। যোৱা ২৪ ঘন্টাটো ৪জন লোক আক্ৰান্ত হয় এই ভাইৰাছত। ইয়াৰে শোণিতপুৰ জিলাৰ এজন,দুজন গুৱাহাটীৰ আৰু এজন শিৱসাগৰৰ বুলি জানিব পৰা গৈছে। শোণিতপুৰ জিলাৰ কোভিড-১৯ আক্রান্ত ব্যক্তি জনক ৬০বছৰীয়া টোকও গয়াৰী বুলি গম পোৱা গৈছে। তেওঁ কলিকতাৰ পৰা ট্ৰাকেৰে আহি হোম কোৱাৰেণ্টাইন হৈ আছিল।পিছত গা বেয়া হোৱা বাবে তেজপুৰ মেডিকেল কলেজলৈ আহিছিল।তাতে ধৰা পৰে কোভিড-১৯ত আক্ৰান্ত বুলি।

আনহাতে গুৱাহাটীত নতুনকৈ আক্রান্ত দুজনৰ এজন ফাঁচী বজাৰৰ মংগো সাহানীৰ সংস্পৰ্শলৈ আহিছিল।তেওঁ হৈছে ফটাশিল আমবাৰী ৰাকেশ সিং।।অন্যজন আক্রান্ত কালাপাহাৰৰ যক্ষ্মা হাস্পতালত ভৰ্তি হৈ আছিল।নাম আছিল বিনোদ ৰয়।দুয়োজনক বৰ্তমান ভৰ্তি কৰোৱা হৈছে গুৱাহাটী মহেন্দ্ৰ মোহন চৌধুৰী হাস্পতালত।

আনহাতে শিৱসাগৰৰ আক্রান্ত যুৱক জনৰ পৰিচয় জানিব পৰা হোৱা নাই।যোৰহাট কোৱাৰেণ্টাইন চেণ্টাৰত আছিল যুৱকজন।

ইয়াকে কৈ ৰাজ্যত ৯৫জনলৈ বৃদ্ধি পালে আক্রান্তৰ সংখ্যাই।