ভূতনাথত গুৱাহাটী পৌৰ নিগমৰ উচ্ছেদ অভিযান

মহানগৰীত গুৱাহাটী পৌৰ নিগমৰ উচ্ছেদ অভিযান।বৃহস্পতিবাৰে ভূতনাথৰ ব্ৰহ্মপুত্ৰৰ পাৰত গঢ়ি উঠা বাঁঁহৰ বজাৰ আৰু পুৰণি ছাগলী বজাৰত  উচ্ছেদ অভিযান চলায় গুৱাহাটী পৌৰ নিগমে। 

ব্ৰহ্মপুত্ৰৰ পাৰৰ বাঁঁহৰ বজাৰৰ লগতে ছাগলীৰ বজাৰৰ অবৈধ গৃহসমূহ প্ৰশাসনৰ বুলেডজাৰ লগাই ভাঙি পেলোৱা হয়।উল্লেখ যে অবৈধভাৱে নিৰ্মাণ  কৰা ৯ টা পৰিয়ালৰ ঘৰো উচ্ছেদ কৰে প্ৰশাসনে।

তাৎপৰ্যপূৰ্ণ যে গুৱাহাটী-উত্তৰ গুৱাহাটীৰ মাজত নিৰ্মাণ হ'বলগীয়া দলঙৰ আৰম্ভণি        স্থানত চলোৱা হয় এই অভিযান।এছ পি চিংলা প্ৰতিষ্ঠানৰ নেতৃত্বত দলংখনৰ নিৰ্মাণ চলি আছে।কিন্তু অবৈধভাৱে গঢ়ি উঠা বজাৰসমূহৰ বাবে দলংখনৰ নিৰ্মাণৰ  কামত কিছু বাধা আহিছে।২০২৩ চনত সম্পূৰ্ণ হ'ব পৰাকৈ দলঙৰ নিৰ্মাণৰ গতিত যাতে বাধা নাহে,সেই বাবে উচ্ছেদ অভিযান চলোৱা হয়।