'লকডাউন'ৰ মাজতে দিছপুৰ আৰক্ষীয়ে জব্দ কৰিলে এগাড়ী নিচাযুক্ত সামগ্ৰী

'লকডাউন'ৰ মাজতে মহানগৰীৰ হাতীগাঁও লৰ্ড এপাৰ্টমেণ্টত বৃহৎ পৰিমাণৰ নিচাযুক্ত সামগ্ৰী জব্দ।দিছপুৰ আৰক্ষীৰ অভিযানত জব্দ হোৱা বৃহৎ পৰিমাণৰ অবৈধ নিচাযুক্ত সামগ্ৰীখিনি ৰখা হৈছিল বিলাসী এছ-০২এফ-৯৩০৫  নম্বৰৰ এখন ইন'ডা আই-১০ গাড়ীত।কাৰ্টুন ভৰ্তি গাড়ীখনত আছিল ১১০০টা কফ চিৰাপৰ বটল।

দিছপুৰ আৰক্ষীৰ সূত্ৰই প্ৰকাশ কৰা অনুসৰি সামগ্ৰীসমূহৰ সৈতে মেহদী আলম নামৰ এগৰাকীৰ ব্যক্তিক আটক কৰা হয়।ধৃত আলমৰ ঘৰ নগাঁও জিলাত।জব্দ কৰা সামগ্ৰীখিনিৰ মূল্য প্ৰায় ১লাখ টকা হ'ব বুলি অনুমান কৰিছে আৰক্ষীয়ে।

উল্লেখ যে পশ্চিমবংগ পৰা অনা সামগ্ৰীখিনি নগাঁৱত বিক্ৰী কৰিবলৈ  নিয়াৰ যো-জা চলাই থকাৰ সময়তে বিশেষ সূত্ৰ খবৰৰ ভিত্তিত দিশপুৰ আৰক্ষীয়ে জব্দ কৰিছে সামগ্ৰী সমূহ।