'লকডাউন'ত ঘৰতে থাকক:দূৰদৰ্শনত উপভোগ কৰক 'ৰামায়ণ'

দেশবাসীক 'লকডাউন'ৰ সময়চোৱাত মনোৰঞ্জন দিবলৈ শনিবাৰৰ পৰা পুনৰ সম্প্ৰচাৰৰ হ'ব 'ৰামায়ণ'।সুদীৰ্ঘ ৩২ বছৰৰ মূৰত দূৰদৰ্শনত পুনৰ সম্প্ৰচাৰ হ'ব জনপ্ৰিয় ধাৰাবাহিকখন।পুৱা আৰু সন্ধিয়া দুটা সময়ত প্ৰতিদিনে উপভোগ কৰিব পাৰিব ধাৰাবাহিকখন। ২৮ মাৰ্চ,শনিবাৰে পুৱা ৯ বজাৰ পৰা ৰামায়ণৰ সম্প্ৰচাৰ আৰম্ভ হ'ব।প্ৰতিদিনে ১০বজালৈ ১ঘণ্টাকৈ সম্প্ৰচাৰ হ'ব ধাৰাবাহিকখন।একেদৰে ৰাতি ৯টাৰ পৰা ১০টা বজালৈ পুনৰ সম্প্ৰচাৰ হ'ব।'ডিডি নেচনেল'ৰ জৰিয়তে সম্প্ৰচাৰিত হ'ব লগীয়া এই অনুষ্ঠানৰ বিষয়ে জনাইছে কেন্দ্ৰীয় তথ্য আৰু সম্প্ৰচাৰ বিভাগৰ মন্ত্ৰী প্ৰকাশ জাভড়েকাৰে৷ উল্লেখ্য যে পূৰ্বতে ১৯৮৭ৰপৰা ১৯৮৮লৈ ডিডি নেচনেল যোগে সম্প্ৰচাৰ হৈছিল এই ভক্তিমূলক ধাৰাবাহিকখন।ধাৰাবাহিকখনৰ সমগ্ৰ বিশ্বত সকলোতকৈ অধিকভাৱে উপভোগ কৰা ভক্তিমূলক ধাৰাবাহিক হিচাপে গীনিজ বুক ৱৰ্ড ৰেকৰ্ডত ৰামায়ণৰ নাম সন্নিৱিষ্ট হৈছিল৷