দেশত ১৬৬ জনলৈ বৃদ্ধি পালে ক'ৰ'না ৰোগী

দেশত ক্ৰমান্বয়ে বৃদ্ধি পাই আহিছে ক'ৰ'নাত আক্রান্ত লোকৰ সংখ্যা।বৃহস্পতিবাৰে পুৱা প্ৰকাশ পোৱা তথ্য অনুসৰি এই পৰ্যন্ত দেশত ক'ৰ'না ভাইৰাছত আক্রান্ত হৈছে ১৬৬জন।তাৰে ১৪৪জন ভাৰতৰ হোৱাৰ বিপৰীতে ২৫জন বিদেশী লোক।উল্লেখ যে বিশ্বৰ ডেৰ শতাধিক দেশলৈ বিয়পি পৰা ভয়ংকৰ ক'ৰ'না ভাইৰাছত আক্রান্ত হৈ বৰ্তমান সময়লৈকে দেশত মৃত্যু হৈছে তিনিজনৰ।

গুৰুত্বপূৰ্ণ যে দেশৰ ভিতৰত সৰ্বাধিক ৪৭ গৰাকী লোক এই ৰোগত আক্রান্ত হৈছে মহাৰাষ্ট্ৰত।

বৰ্তমান সময়লৈকে অসমত কোনো ব্যক্তিৰ দেহত ধৰা পৰা নাই ক'ৰ'না ভাইৰাছৰ উপস্থিতি।