'আটাছু'ৰ গোলাঘাট জিলা সমিতিৰ সাংগঠনিক কৰ্মশালা আৰু ন-পুৰণি সতীৰ্থ সন্মিলন সম্পন্ন

গোলাঘাটৰ প্ৰতিবেদক:

সদৌ তাই আহোম ছাত্ৰ সন্থা (আটাছু)ৰ গোলাঘাট জিলা সমিতিৰ উদ্যোগত যোৱা  ৪ নৱেম্বৰত গোলাঘাট এমেচাৰ থিয়েটাৰ ছ’চাইটিৰ প্ৰেক্ষাগৃহত গোলাঘাট জিলাৰ অন্তৰ্গত শাখা,আঞ্চলিক,মহকুমা সমিতিসমূহৰ সাংগঠনিক কৰ্মশালা আৰু ন-পুৰণি সতীৰ্থ সন্মিলনখন অনুষ্ঠিত হয়। উক্ত অনুষ্ঠানটোৰ প্ৰথম কাৰ্যসূচী পতাকা উত্তোলন কৰে গোলাঘাট জিলা সমিতিৰ সভাপতি কৃষ্ণ বৰুৱাই।চাওলুং ছ্যুকাফাৰ প্ৰতিমূৰ্তিত মাল্যাৰ্পণ কৰে গোলাঘাট জিলা সমিতিৰ কাৰ্যকৰী সভাপতি পংকজ গগৈ আৰু উপ-সভাপতি ধ্ৰুৱজ্যোতি শইকীয়াই।স্মৃতি তৰ্পণ কৰে গোলাঘাট জিলা সমিতিৰ যুটীয়া সম্পাদকদ্বয় দীপজ্যোতি তামুলী আৰু গৌতম লাহনে।

          
ন-পুৰণি সতীৰ্থ সন্মিলনৰ সঞ্চালক হিচাপে উপস্থিত থাকে 'আটাছু'ৰ কেন্দ্ৰীয় সমিতিৰ প্ৰাক্তন উপ-সভাপতি জ্যোতিপ্ৰসাদ গগৈ। 

             
সাংগঠনিক কৰ্মশালাত সভাপতিত্ব কৰে গোলাঘাট জিলা সমিতিৰ সভাপতি কৃষ্ণ বৰুৱাই।সভা মুকলি কৰে আটাছুৰ কেন্দ্ৰীয় সমিতিৰ প্ৰাক্তন সভাপতি প্ৰাঞ্জল ৰাজকোঁৱৰে।নিৰ্দিষ্ট বক্তা হিচাপে উপস্থিত থাকে আটাছুৰ কেন্দ্ৰীয় সমিতিৰ প্ৰতিষ্ঠাপক সম্পাদক অৰুণ গগৈ,বিশিষ্ট অতিথি হিচাপে আটাছুৰ গোলাঘাট জিলা সমিতিৰ প্ৰাক্তন প্ৰতিষ্ঠাপক সভাপতি দিমান গগৈ, আটাছুৰ গোলাঘাট জিলা সমিতিৰ প্ৰতিষ্ঠাপক সম্পাদক ৰাজকুমাৰ বেদান্ত বিকাশ গোঁহাই ,আটাছুৰ কেন্দ্ৰীয় সমিতিৰ কাৰ্যকৰী সভাপতি কুমুদ গগৈ,আটাছুৰ কেন্দ্ৰীয় সমিতিৰ উপ-সভাপতি বসন্ত গগৈ,আটাছুৰ কেন্দ্ৰীয় সমিতিৰ যুটীয়া সম্পাদক মিলন বুঢ়াগোঁহাই ,আটাছুৰ কেন্দ্ৰীয় সমিতিৰ প্ৰাক্তন সাংগঠনিক সম্পাদকদ্বয় উমেশ গগৈ, দীপক গগৈ,আটাছুৰ কেন্দ্ৰীয় সমিতিৰ উপ-সভাপতি যাদৱ কোঁৱৰ, আটাছুৰ কেন্দ্ৰীয় সমিতিৰ সাংস্কৃতিক সম্পাদক সুনীল গগৈ, ডিব্ৰুগড়, যোৰহাট,শিৱসাগৰ,তিনিচুকীয়া জিলা সমিতিৰ কেইবাজনো বিষয়ববীয়া,গোলাঘাট জিলা সমিতিৰ সমূহ বিষয়ববীয়াৰ লগতে গোলাঘাট জিলাৰ তিনিওটা মহকুমাৰ সমূহ বিষয়ববীয়া,গোলাঘাট জিলা সমিতিৰ অন্তৰ্গত সমূহ আঞ্চলিক আৰু শাখা সমিতিৰ বিষয়ববীয়া,গোলাঘাট জিলাৰ প্ৰায় অৰ্শতাধিক প্ৰাক্তন আটাছু বিষয়ববীয়া আদি উপস্থিত থাকে ।