লোকসভা নিৰ্বাচনৰ লগতে ১১ ৰাজ্যত বিধানসভা নিৰ্বাচনৰ পোষকতা বিজেপিৰ

২০১৯ৰ লোকসভা নিৰ্বাচনৰ লগতে দেশৰ ১১খন ৰাজ্যৰ বিধানসভা নিৰ্বাচন অনুষ্ঠিত কৰাৰ পোষকতা কৰিছে বিজেপিয়ে । এই প্ৰসংগত বিজেপিৰ ৰাষ্ট্ৰীয় সভাপতি অমিত শ্বাহে দেশৰ নিৰ্বাচন আয়োগলৈ পত্ৰ প্ৰেৰণ কৰিছে । 

অন্ধ্ৰপ্ৰদেশ, ওড়িশা, তেলেংগানা, ৰাজস্থান, মধ্যপ্ৰদেশ, ছত্তীশগড়, হাৰিয়ানা, মহাৰাষ্ট্ৰ, ঝাৰখণ্ড, মিজোৰাম, আৰু বিহাৰ বিধানসভা নিৰ্বাচন লোকসভা নিৰ্বাচনৰ লগতে অনুষ্ঠিত কৰিব বিচাৰে বিজেপিয়ে ।

বিজেপিৰ ৰাজনৈতিক অংক উপলব্ধি কৰিছে বিৰোধী দলসমূহে । বিৰোধী দলৰ ধাৰণা- বিজেপি বৰ্তমান জনসাধাৰণৰ পৰা বহু দূৰলৈ গৈছে । গতিকে লোকসভাৰ ফলাফল বেয়া হ'লে ৰাজ্যসমূহৰ নিৰ্বাচনত তাৰ প্ৰভাৱ পৰিব । 

সেয়েহে, একেলগে নিৰ্বাচন পাতিব বিচাৰিছে শাসনাধিষ্ঠিত দলটোৱে । লক্ষণীয়ভাৱে কংগ্ৰেছ আৰু তৃণমূল কংগ্ৰেছে ইতিমধ্যেই বিজেপিৰ এই প্ৰস্তাৱৰ বিৰোধিতা কৰিছে ।