পঞ্জাবৰ মুখ্যমন্ত্ৰী কেপ্তেইন অমৰিন্দৰ সিঙৰে সিদ্ধুৰ বিবাদ বৃদ্ধি

লোকসভা নিৰ্বাচনত দেশজুৰি কংগ্ৰেছৰ বিপৰ্যয় হোৱাৰ এটা কাৰণ হিচাপে কংগ্ৰেছ নেতা নৱজ্যোৎ সিং সিদ্ধুৰ কিছু কাম-কাজ আৰু মন্তব্যক চিহ্নিত কৰাৰ পিছত পঞ্জাবত মুখ্যমন্ত্ৰী কেপ্তেইন অমৰিন্দৰ সিঙৰ সৈতে নেতাজনৰ সংঘাত বৃদ্ধি পাইছে।

পঞ্জাবৰ মুখ্যমন্ত্ৰীজনে মন্ত্ৰী সিদ্ধুৰ দপ্তৰ বিজুলী দপ্তৰলৈ  সলনি কৰি দিছে।পূৰ্বতে সিদ্ধু আছিল চহৰ উন্নয়ন মন্ত্ৰী।কিন্তু অসন্তুষ্ট সিদ্ধুয়ে নতুন দপ্তৰৰ দায়িত্ব গ্ৰহণ কৰা নাই।অমৰিন্দৰ সিঙৰ কেবিনেট বৈঠকসমূহতো তেওঁ অংশগ্ৰহণ কৰা নাই।