বি এইচ কলেজত ৰাষ্ট্ৰীয় নাট্য বিদ্যালয়ৰ পষেকীয়া কৰ্মশালা

বৰপেটাৰ'ডৰ পৰা ৰঞ্জিত তালুকদাৰ
বৰপেটা জিলাৰ হাউলীস্থিত বি এইচ কলেজত ১৩ মাৰ্চৰ পৰা ২৮ মাৰ্চলৈ ৰাষ্ট্ৰীয় নাট্য বিদ্যালয় (এনএছডি)ৰ উদ্যোগত আৰু বি এইচ কলেজৰ আইকিউএচিৰ সহযোগত এটি পষেকীয়া কৰ্মশালা অনুষ্ঠিত হ'ব |

ৰাষ্ট্ৰীয় নাট্য বিদ্যালয়ৰ এডোকেছন এণ্ড থিয়েটাৰ শীৰ্ষক কাৰ্যসূচীৰ অধীনত অনুষ্ঠিত এই কৰ্মশালাৰ বিষয় হ'ল ইকুয়েলিটি-বেছড-টিচাৰিং লাৰনিং থ্ৰ' ড্ৰামা/থিয়েটাৰ (নাটকৰ সহায়ত অনুসন্ধানমূলক শিক্ষণ-শিকন) এই কৰ্মশালাত ৰাষ্ট্ৰীয় নাট্য বিদ্যালয়ৰ পক্ষৰ পৰা অধ্যাপক আশা সিং, চান্দ কিৰণ চালুজা, ওয়াল্টাৰ পিটাৰ, মাণিক ৰয়, পাপৰি মেধি, দেৱৰাজ আৰু কুলদীপে সমল ব্যক্তি হিচাপে অংশগ্ৰহণ কৰিব |

কৰ্মশালাত স্কুল-কলেজৰ শিক্ষকৰ লগতে বি এড কলেজৰ শিক্ষক বা শিক্ষাৰ্থীসকলে অংশগ্ৰহণ কৰিব পাৰিব | প্ৰশিক্ষণ ১০ বজাৰ পৰা ৬ বজালৈ চলিব আৰু উপস্হিতি বাধ্যতামূলক | প্ৰশিক্ষাৰ্থীৰ সংখ্যা ৫০ৰ ভিতৰত সীমাবদ্ধ থাকিব | আগ্ৰহী ব্যক্তিসকলে বি এইচ কলেজৰ ডঃ চুলতান আলী আহমেদৰ(৯৯৫৭০-৮৭০৫১) সৈতে যোগাযোগ কৰিব পাৰে |