নিউজ এএছএনৰ বাতৰিৰ প্রভাৱ : কালাইন-ডিগাৱৰ সংযোগী পথৰ নিৰ্মাণকাৰ্য আৰম্ভ

বৰাকৰ পৰা আবদুল আলিম চৌধুৰী

নিউজ এএছএনৰ বাতৰিৰ পিছতহে যেন সাৰ পালে ঠিকাদাৰে৷ উল্লেখ্য যে কালাইন-ডিগাৱৰ সংযোগী পথৰ কদৰ্যময় অৱস্থা আৰু নিৰ্মাণকাৰ্যত ঠিকাদাৰৰ গাফিলতিৰ অভিযোগ প্ৰকাশ পাইছিল নিউজ এএছএনত৷ ইয়াৰ পিছতে পথটো নিৰ্মাণত আজি তৎপৰতা গ্ৰহণ কৰে ঠিকাদাৰ তথা শ্ৰমিকসকলে৷ অঞ্চলটোৰ ৰাইজে জানিবলৈ দিয়ামতে, ঠিকাদাৰ অৰুপ পালে পথটোৰ ঠিকা পাইছিল৷ অতি সোনকালেই শোচনীয় পথটো যাতায়াতৰ উপযোগী হ'ব বুলি আশা কৰা হৈছে৷ যোগাযোগ প্ৰায় বন্ধ হৈ পৰা পথটো নিৰ্মাণৰ কাম আৰম্ভ কৰাৰ ব্যৱস্থা লোৱা বাবে কাছাৰৰ নৱনিযুক্ত উপায়ুক্ত ডঃ লায়া মাধুৰীক ধন্যবাদ জনাইছে কালাইনৰ ভুক্তভোগী ৰাইজে৷