হাটশিঙিমাৰী মহাবিদ্যালয়ত বিশ্ব নাৰী দিৱস উদ্‌যাপন

মানকাচৰৰ পৰা চানবৰ আলী

আজি সমগ্ৰ বিশ্বত সকলোৱেই মিলি উদ্‌যাপন কৰে বিশ্ব নাৰী দিৱস। নাৰীৰ সন্মান, অধিকাৰ, সমতা, ন্যায় আদি প্ৰতিষ্ঠাৰ বাবে বিভিন্ন শ্লোগানেৰে মুখৰিত কৰিছে বিশ্বৰ চুকে-কোণে। সমগ্ৰ বিশ্বৰ লগতে হাটশিঙিমাৰী মহাবিদ্যালয়ত Global Education &Technoworld আৰু হাটশিঙিমাৰী মহাবিদ্যালয়ৰ এনএছএছ ইউনিটৰ যৌথ উদ্যোগত মহাবিদ্যালয়ৰ প্ৰেক্ষাগৃহত উদ্‌যাপন কৰা হয় বিশ্ব নাৰী দিৱস। দিনজোৰা কাৰ্যসূচীত তৰ্ক, কুইজ আৰু বিহুনৃত্য প্ৰতিযোগিতা অনুষ্ঠিত হয়। আজিৰ এই অনুষ্ঠানত হাটশিঙিমাৰীৰ প্ৰায় সকলোবিলাক বিদ্যালয়ৰ ছাত্ৰ-ছাত্ৰীয়ে অংশগ্ৰহণ কৰে।

Global Education &Technoword ৰ মুখ্য সঞ্চালকপ্ৰধান নাজিৰ হুছেইন মোল্লাই সাংবাদিকৰ আগত কয়- আজি বিশ্ব নাৰী দিৱস বুলি নাৰীক সন্মান কৰিম, কাইলৈ আকৌ সেই নাৰীক আমি অসন্মান কৰিম নেকি? আমি নাৰীক সন্মান কৰিব লাগিব গোটেই দিনত, সপ্তাহত, মাহত, বছৰত। নাৰীয়েই মোৰ মা। এখন শিক্ষিত সমাজ গঠনত নাৰীৰ ভূমিকা অপৰিসীম। আজিৰ এই অনুষ্ঠানত ভাগ লয় হাটশিশিমাৰী মহাবিদ্যালয় অধ্যক্ষ ডঃ বখতিয়াৰ খিলজী, ডঃ ছানম মণ্ডল, কমিউনিটী হেল্‌থ অফিচাৰ ছুইটী হাজৰিকা, অৱসৰপ্ৰাপ্ত প্ৰধান শিক্ষক মজিবৰ ৰহমান আদি ব্যক্তিয়ে।