কাইলৈ গোলাঘাটত খেতিয়কক সা-সঁজুলি বিতৰণ কৰিব বিত্তমন্ত্ৰী শৰ্মাই

গোলাঘাটৰ পৰা মীনাক্ষী ফুকন

অসমৰ কৃষক ৰাইজৰ হিতাৰ্থে অসম চৰকাৰে গ্ৰহণ কৰা এক অভিলাসী আঁচনি শুভাৰম্ভ কৰিবলৈ কাইলৈ গোলাঘাটত উপস্থিত হ'ব অসমৰ বিত্তমন্ত্ৰী ডঃ হিমন্ত বিশ্ব শৰ্মা । অহা ৭ মাৰ্চত গোলাঘাট নগৰৰ ৰাজহুৱা খেলপথাৰত দিনৰ ১০ বজাৰ পৰা অনুষ্ঠিত হ'ব লগা এক সভাত অসম চৰকাৰৰ বিত্তমন্ত্ৰীগৰাকীয়ে কৃষক ৰাইজক সম্বোধন কৰি খেতিৰ সা-সঁজুলি বিতৰণ আঁচনিৰ গোলাঘাটত শুভাৰম্ভ কৰিব ।

এক প্ৰেছ বাৰ্তাৰ জৰিয়তে খুমটাই বিধানসভা সমষ্টিৰ বিধায়ক মৃণাল শইকীয়াই উক্ত শুভাৰম্ভ অনুষ্ঠানত জিলাখনৰ সকলো কৃষক ৰাইজৰ উপস্থিতি আন্তৰিকতাৰে কামনা কৰিছে ।