চৰাইদেউৰ নৱনিযুক্ত উপায়ুক্ত দীপক কুমাৰ সন্দিকৈৰ কাৰ্যভাৰ গ্ৰহণ

সোণাৰিৰ পৰা ঘন বৰা

চৰাইদেঊ জিলাত নৱনিযুক্ত উপায়ুক্ত হিচাপে আজি কাৰ্যভাৰ গ্রহণ কৰে অসম অসামৰিক সেৱাৰ বিষয়া দীপক কুমাৰ সন্দিকৈয়ে৷ এই উপলক্ষে চৰাইদেউ জিলা উপায়ুক্ত কাৰ্যালয়ৰ সভাকক্ষত অতিৰিক্ত উপায়ূক্ত প্ৰণৱ বৰাৰ পৌৰোহিত্যত এখনি সভা অনুষ্ঠিত হয়৷ সভাত বিদায়ী উপায়ুক্ত বিবেকানন্দ ফুকনক বিদায় সম্বর্ধনা জনোৱাৰ লগতে নৱনিযুক্ত উপায়ুক্তগৰাকীক আদৰণি জনোৱা হয়৷

নৱনিযুক্ত উপায়ুক্তগৰাকীয়ে বিষয়া-কর্মচাৰীসকলক দায়িত্বসমূহ নিষ্ঠাসহকাৰে পালন কৰিবলৈ আহবান জনোৱাৰ লগতে  জিলাখনৰ উন্নয়নৰ দিশত আগবঢ়াই নিয়াত সহায় কৰিবলৈ সকলো পক্ষলৈ আহবান জনায়৷

উক্ত সভাত অতিৰিক্ত উপায়ুক্ত জিতু কুমাৰ দাস, দীপক কূমাৰ ভূঞা, সুলক্ষণা বৰপাত্ৰ গোঁহাই, ফিলিছ ৰাংচাল, পি ভদ্বৰাজ, কোষাগাৰ বিষয়া সুশীলা আহোম, জনসংযোগ বিভাগৰ আয়েজৰ ৰহমানকে ধৰি বিভিন্ন বিভাগৰ কর্মচাৰীসকল উপস্হিত থাকে৷