মুকালমুৱা থানাত চাঞ্চল্যকৰ ঘটনা : ৰিভলভাৰেৰে গুলীয়াই আত্মহত্যা আৰক্ষীৰ

চেঙাৰ পৰা সুৰজিৎ পাঠক

নলবাৰী জিলাৰ মুকালমুৱা আৰক্ষী থানাত আজি এক চাঞ্চল্যকৰ ঘটনা সংঘটিত হয়। নিজা ৰিভলভাৰেৰে মূৰত গুলী কৰি আত্মহত্যা কৰে এজন আৰক্ষীয়ে। আত্মহত্যা কৰা আৰক্ষীজন উপ-পৰিদৰ্শক কিশোৰ কুমাৰ দাস বুলি জানিব পৰা গৈছে।

মুকালমুৱা থানাৰ চৌহদত থকা কোৱাটাৰতেই আত্মহত্যা কৰে আৰক্ষীজনে। বৰ্তমানলৈ আত্মহত্যাৰ কাৰণ জানিব পৰা হোৱা নাই। উক্ত ঘটনাই মুকালমুৱা অঞ্চলৰ লগতে সমগ্ৰ নলবাৰী জিলাতে চাঞ্চল্যৰ সৃষ্টি কৰিছে।