নগাঁৱৰ চকীটটুপত ঐক্য সেনা অসমৰ আঞ্চলিক কাৰ্যালয় মুকলি

নগাঁৱৰ পৰা ৱাহিদুদ জামান

ঐক্য সেনা অসমে অলপতে গঠন কৰা নগাঁৱৰ চকীটটুপ আঞ্চলিক সমিতিৰ এটা অস্থায়ী কাৰ্যালয় শুকুৰবাৰে সন্ধ্যা মুকলি কৰা হয় । কাৰ্যালয়টো মুকলি কৰে সংগঠনটোৰ নগাঁও জিলা সমিতিৰ সভাপতি শান্তনু বৰাই ।

তদুপলক্ষে অনুষ্ঠিত সভাত জিলা সমিতিৰ উপ-সভাপতি অমিত কাশ্যাপ, যুৱ সমাজকৰ্মী নাজিৰ উদ্দিন আহমেদে, আৰিফ আহমেদকে ধৰি শতাধিক লোক উপস্থিত থাকে ।

এই অনুষ্ঠানতে কৰ্কট ৰোগৰ দৰে দুৰাৰোগ্য ৰোগত আক্ৰান্ত স্থানীয় কলংপাৰ নতুনবস্তি নিবাসী ফাৰহানা চুলতান‌া নামৰ ১৪ বছৰীয়া ছাত্ৰীগৰাকীৰ পৰিয়ালৰ লোকক কিছু নগদ ধনেৰে আৰ্থিক সাহায্য প্ৰদান কৰে ঐক্য সেনাৰ আঞ্চলিক সমিতিয়ে ।

উল্লেখ্য যে স্থানীয় উদীয়মান যুৱক কফিল উদ্দিন আহমেদক সভাপতি আৰু আনিচুৰ ৰহমান আৰু জাকিৰ হুছেইনক সাধাৰণ সম্পাদক হিচাপে লৈ অৰ্ধশতাধিক ব্যক্তিৰে গঠিত ঐক্য সেনাৰ আঞ্চলিক সমিতিখনে কম দিনৰ ভিতৰত স্থানীয় চকীটটুপ অঞ্চলত গঢ় লৈ উঠা কেবাটাও মদ, ড্ৰাগছৰ ঘাটি উৎখাত কৰি নিচামুক্ত অঞ্চল হিচাপে প্ৰতিষ্ঠা কৰাৰ অহৰহ চেষ্টা অব্যাহত ৰাখি ৰাইজৰ প্ৰশংসা বুটলিবলৈ সক্ষম হৈছে ।