কামপুৰৰ তেতেলিসৰা পঞ্চায়ত নিৰ্বাচনৰ ৬দিন ধৰি ভোট বৰ্জনৰ প্ৰতিবাদ

কামপুৰৰ পৰা ৰূপ জ্যোতি ভূঞা

বঢ়মপুৰ সমষ্টিৰ বিধায়ক প্ৰফুল্ল কুমাৰ মহন্তৰ লগতে অসম গণ পৰিষদৰে গঠিত তেতেলিসৰা গাঁও পঞ্চায়তৰ সভাপতি তথা পঞ্চায়তখনৰ মুৰবীসকলৰ বিৰুদ্ধে এই প্ৰতিবাদ । ভোট বৰ্জনৰ সিদ্ধান্ত লৈছে পঞ্চায়তখনৰ ৭ নম্বৰ ৱাৰ্ডৰ ভোটাৰ ৰাইজে । তথাপিও কাণষাৰ নাই স্থানীয় প্ৰশাসনৰ। ৬টা দিনত উপস্থিত নহ'ল প্ৰশাসনৰ মুৰবীসকল ।

বিজেপি মুৰ্দ্দাবাদ; অগপ মুৰ্দ্দাবাদ; তেতেলিসৰা পঞ্চায়ত মুৰ্দ্দাবাদ ধ্বনিত উত্তাল প্ৰতিবাদ বঢ়মপুৰ সমষ্টিৰ তেতেলিসৰা পঞ্চায়ত । ৬টা দিন ধৰি ধাৰাবাহিকভাৱে নগাঁও জিলাৰ কামপুৰৰ তেতেলিসৰা পঞ্চায়তৰ ৭ নম্বৰ ৱাৰ্ডৰ একাংশ পুৰুষ-মহিলাৰ হাতত বেনাৰ ফেষ্টুন লৈ শাসনাধিষ্ঠ বিজেপি চৰকাৰ অগপ দল আৰু স্থানীয় পঞ্চায়তখনৰ বিৰুদ্ধে এই প্ৰতিবাদ কৰি আহিছে । উল্লেখ্য যে কঠীয়াতলী উন্নয়ন খণ্ডৰ ১২৬ নং তেতেলিসৰা পঞ্চায়তৰ ৭নম্বৰ ৱাৰ্ডৰ এটা পথ যোৱা বৰ্ষত পঞ্চয়তখনে নিৰ্মাণ কৰিছিল ।

এই পথটো নিৰ্মাণ সম্পূৰ্ণ নোহোৱাৰ কাৰণে স্থানীয় ৰাইজে বিভিন্ন সময়ত বিভিন্ন সমস্যাৰ সন্মুখীন হৈ আহিছিল । ৰাইজে বিধায়ক প্ৰফুল্ল কুমাৰ মহন্ত আৰু স্থানীয় পঞ্চায়তখনক বহুবাৰ আবেদন নিবেদন কৰিও কোনো সুফল পোৱা নাছিল । পঞ্চায়তৰ নিৰ্ব্বাচনৰ ৰণডংকা বজাৰ সময়তে এই প্ৰতায়িত লোকসকল ক্ষোভিত হৈ পৰে আৰু পঞ্চায়ত নিৰ্ব্বাচন বৰ্জনৰ সিদ্ধান্ত লয় ।