ওদালগুৰিৰ ঘাগ্ৰাত ডি ভোটাৰৰ জাননী পোৱা ব‍্যক্তিৰ আত্মহত‍্যা

ওদালগুৰি জিলাৰ পানেৰী থানাৰ অন্তৰ্গত ঘাগ্ৰাত আজি পুৱতি নিশা এগৰাকী ব‍্যক্তিৰ আত্মহত‍্যাৰ ঘটনাই অঞ্চলটোত তীব্ৰ চাঞ্চল‍্য সৃষ্টি কৰে । আত্মহত‍্যা কৰা ব‍্যক্তিগৰাকীৰ নামত অবৈধ বিদেশীৰ সন্দেহত ডি ভোটাৰ হিচাপে জাননী জাৰি কৰাৰ বাবে আত্মহত‍্যা কৰা বুলি সন্দেহ কৰা হৈছে ।

আত্মহত‍্যা কৰা লোকজন দীপক দেৱনাথ বুলি জানিব পৰা গৈছে । ইপিনে পৰিয়ালৰ লোকে অভিযোগ কৰা অনুসৰি প্ৰকৃত স্বদেশী হোৱাৰ পিছতো ডি ভোটাৰৰ নামত জাননী জাৰি কৰি আত্মহত‍্যা কৰিবলৈ বাধ‍্য কৰোৱা বুলি অভিযোগ কৰে ।

বিভিন্ন দল-সংগঠন আৰু স্থানীয় ৰাইজে মৃতদেহ লৈ ৰাজপথত প্ৰতিবাদ সাব‍্যস্ত কৰি বৃহৎ সমদল কৰি সৰ্বানন্দ সোণোৱাল হায় হায়, অসম চৰকাৰ হায় হায় আদি শ্লোগান দি ঘাগ্ৰাৰ আকাশ-বতাহ কঁপাই তোলে ।

ইফালে ঘটনাৰ খবৰ বিয়পি পৰাৰ লগে লগে সমগ্ৰ অঞ্চলত চেপা উত্তেজনাই বিৰাজ কৰিছে ।