বটদ্ৰৱাত বিভিন্ন কাৰ্যসূচীৰে উদ্‌যাপন গান্ধী জয়ন্তী

নগাঁৱৰ পৰা ঋতুপৰ্ণ শৰ্মা

সমগ্ৰ দেশতে আজি অতি শ্ৰদ্ধাৰে উদ্‌যাপন কৰা হৈছে মহামানৱ মহাত্মা গান্ধীৰ জন্ম দিৱসতো ৷ নগাঁও জিলাৰ বটদ্ৰৱা শিক্ষা খণ্ডৰ অন্তৰ্গত বটদ্ৰৱা মণ্ডল সমল কেন্দ্ৰৰ অধীনৰ কেইবাখনো প্ৰাথমিক আৰু উচ্চ মাধ্যমিক বিদ্যালয়ত পালন কৰা হয় গান্ধী জয়ন্তী ৷

বটদ্ৰৱা চৰকাৰী বালক নিম্ন বুনিয়াদী বিদ্যালয়, বটদ্ৰৱা বৰভেটি মোক্তাৱ, বটদ্ৰৱা চৰকাৰী বালিকা নিম্ন বুনিয়াদী বিদ্যালয়, বটদ্ৰৱা সতী ৰাধিকা ছোৱালী উচ্চ মাধ্যমিক বিদ্যালয়, বটদ্ৰৱা ভেটিয়নী প্ৰাথমিক বিদ্যালয়ত আজি বিভিন্ন কাৰ্যসূচীৰে জাতিৰ পিতাগৰাকীলৈ শ্ৰদ্ধাঞ্জলি জ্ঞাপন কৰা হয় ৷

প্ৰাথমিক বিদ্যালয়ৰ কন কন শিশুসকলে বিদ্যালয় চৌহদত সমূহীয়া চাফাই অভিযান ৰূপায়ণ কৰি মহাত্মা গান্ধীজীৰ স্বচ্ছতাৰ বাণীক সৰোগত কৰাৰ সংকল্প গ্ৰহণ কৰে ৷ 

পুৱাই বিদ্যালয়ৰ শিক্ষক-শিক্ষয়িত্ৰী, ছাত্ৰ-ছাত্ৰীসকলে গান্ধীজীৰ প্ৰতিচ্ছবিত মাল্যৰ্পণ আৰু পুস্পাঞ্জলি অৰ্পণ কৰে ৷ ইয়াৰ পিছতে সমূহীয়া চাফাই, চিত্ৰাঙ্কন, আকস্মিক বক্তৃতাৰ লগতে মহাত্মা গান্ধীৰ জীৱনাদৰ্শৰ ওপৰত ৰচনা প্ৰতিযোগীতা অনুষ্ঠিত কৰা হয় ৷