জুৰীয়াত চি আৰ পি এফ জোৱানৰ ছাফাই অভিযান কাৰ্যসূচী 

স্বচ্ছ পঞ্চায়ত স্বচ্ছ সপ্তাহ উদযাপন উপলক্ষে আজি নগাঁও জিলাৰ জুৰীয়া উন্নয়ন খণ্ডৰ অন্তৰ্গত কছাৰীগাওঁ পঞ্চায়তত ছাফাই অভিযান কাৰ্যসূচী ৰূপায়ণ কৰা হয় ।  চি আৰ পি এফৰ  ১৪৩ বেটেলিয়ানৰ উদ্যোগত কছাৰীগাওঁ গাওঁ পঞ্চায়ত কাৰ্যালয় চৌহদৰ লগতে অঞ্চলটোৰ ভিন্ন স্থানত ছাফাই অভিযান চলোৱা হয় ।

চি আৰ পি এফৰ দ্বিতীয় কামাণ্ডাৰ বিনোদ কুমাৰৰ নেতৃত্বত বৃহৎ জোৱানৰ এটা দলে চলোৱা এই ছাফাই অভিযান কাৰ্যসূচীত সদ্য প্ৰাক্তন পঞ্চায়ত সভাপতি দিলোৱাৰ হুছেইন প্ৰমুখ্যে স্থানীয় একাংশ ৰাইজেও সহযোগিতা আগবঢ়ায় ।  উল্লখ্য, ২০ ছেপ্টেম্বৰৰ পৰা আৰম্ভ হোৱা এই ছাফাই অভিযান কাৰ্যসূচী অহা ২ অক্টোবৰত অন্ত পৰিব।