বিলাসীপাৰাত ৰেডক্রছৰ বিনামূলীয়া চিকিৎসা শিবিৰ 

বিলাসীপাৰাৰ পৰা জহিৰুল ইছলামৰ

ধুবুৰী জিলাৰ বিলাসীপাৰা মহকুমাৰ ৰেডক্রছৰ বিনামূলীয়া চিকিৎসা শিবিৰ আজি দিন জোৰা কাৰ্য্যসূচীৰে বিলাসীপাৰা আম্বেদকাৰ ভৱনত অনুষ্ঠিত হৈ যায় । উল্লেখ্য যে অভিজ্ঞ চিকিৎসকৰ জৰিয়তে বিভিন্ন ৰোগৰ ৰোগীসকলক বিনামূলীয়াকৈ চিকিৎসা প্ৰদান কৰা হয় । ইয়াৰ লগত সংগতি ৰাখি বিলাসীপাৰা জ্যেষ্ঠ নাগৰিকসকলক লৈ আলোচনা চক্র অনুষ্ঠিত কৰি বিলাসীপাৰা মহকুমা ৰেডক্রছৰ সভাপতি ডা: কানু লাল দাসে মানুহৰ শাৰীৰিক আৰু মানসিক বেমাৰ-আজাৰ সম্পৰ্কে পৰামৰ্শমূলক বিভিন্ন দিশত আলোকপাত কৰে ।

তেওঁ আৰু কয় যে বিলাসীপাৰা মহকুমাত এইবাৰ অনুষ্ঠিত চিকিৎসা শিবিৰতকৈ অনাগত দিনত বিলাসীপাৰাত জ্যেষ্ঠ নাগৰিকৰ সহযোগত আৰু ৰেডক্রছৰ উদ্যোগত অধিক উন্নত চিকিৎসা শিবিৰত অনুষ্ঠিত কৰা হ'ব ৷ আজিৰ চিকিৎসা শিবিৰত বিনামূলীয়া চিকিৎসাৰ লগতে বিনামূলীয়া ঔষধ যোগান ধৰা হয় । আজিৰ চিকিৎসা শিবিৰত ৰেডক্রছৰ সাধাৰণ সম্পাদক চৰিফ আহমেদৰ লগতে বিলাসীপাৰা মহকুমা ৰেডক্রছৰ কৰ্মকৰ্তাসকল উপস্থিত থাকে ।