কলা সংস্কৃতিৰ প্ৰদৰ্শনৰ মাজেৰে ধলপুৰত আৰম্ভ ফুটবল প্ৰতিযোগিতা 

ধলপুৰ আঠাবাৰীৰ শ্ৰী শ্ৰী গোপাল মহাপুৰুষৰ উদ্যোগত পাঞ্চজন্য ক্ৰীড়া সন্থাৰ সৌজন্যত কচুৱা বহুমুখী উচ্চ মাধ্যমিক বিদ্যালয়ৰ খেলপথাৰত আজিৰে পৰা আৰম্ভ হোৱা ফুটবল প্ৰতিযোগিতাৰ শুভাৰম্ভ হয় বিভিন্ন সাস্কৃতিক অনুষ্ঠান প্ৰদৰ্শনৰ মাজেৰে ৷ দিনৰ ১০ বজাৰ পৰা এখনি সভা অনুষ্ঠিত হয় ৷ পুৱা ১১ বজাত বন্তি প্ৰজলন কৰাৰ পাছতে বিভিন্ন ধৰণৰ কলা-সংস্কৃতিৰ প্ৰদৰ্শন আৰম্ভ কৰে শ্ৰীশ্ৰী গোপাল প্ৰভুৰ শংখ ধ্বনিৰে ৷

তাৰ পিছতে স্থানীয় মহিলা শিল্পীসকলে বৰগীত প্ৰদৰ্শন কৰাৰ লগতে পুৰণি কচুৱা, ভেলাইমৰা, হৰিদাস আৰু আঠাবাৰীৰ গায়ন বৈষ্ণৱবৃন্দই গায়ন-বায়ন প্ৰদৰ্শন কৰে ৷ দকুৱা গাঁৱৰ মহিলা সমিতিয়ে দিহানাম পৰিৱেশন কৰে, স্থানীয় কণ কণ শিশুসকলে কৃষ্ণ নৃত্য প্ৰদৰ্শন কৰে, নাৰায়ণপুৰৰ মণিকাঞ্চন কলা নিকেতনৰ চাৰিগৰাকী ছাত্ৰীয়ে সত্ৰীয়া নৃত্য প্ৰদৰ্শন কৰে, শংকৰদেৱ মহাবিদ্যালয়ৰ ছাত্ৰ-ছাত্ৰীসকল, কিনা পথাৰ দেউৰী সাংস্কৃতিক দল আৰু চাৰিঘৰীয়া মিচিং বিহু দল কেইটাই বিহু নৃত্য প্ৰদৰ্শন কৰে ৷

খেলত প্ৰতিযোগি দুয়ো দলক খেলপথাৰৈ আদৰণি জনাই বৰমণি বৰুৱা, জয়শ্ৰী দেবীয়ে ৷ ভাৰতী বৰা আৰু কচুৱা বহুমুখী উচ্চ মাধ্যমিক বিদ্যালয়ৰ ছাত্ৰ-ছাত্ৰী আৰু খেলুৱৈসকলে সামূহিকভাবে জাতীয় সংগীত পৰিবেশনৰ অন্তত খেল আৰম্ভ কৰে ৷