আল্লিয়াত ছাত্র সন্থাৰ নতুন সমিতি গঠন

দ্বিজেন ডেকা,ঘগ্ৰাপাৰ:

সদৌ নলবাৰী জিলা ছাত্ৰ সন্থাৰ অন্তৰ্গত
আল্লিয়া আঞ্চলিক ছাত্র সন্থাৰ এলেকাধীন আল্লিয়া শাখা ছাত্র সন্থাৰ নতুন সমিতিখন ১৯ আগষ্টত গঠন কৰা হয়।আল্লিয়া বালিকা মধ্য ইংৰাজী বিদ্যালয়ত আল্লিয়া আঞ্চলিক ছাত্র সন্থাৰ সভাপতি অৰ্জুন দাসৰ সভাপতিত্বত অনুষ্ঠিত সভাত উদ্দেশ্য ব্যাখ্যা কৰে আঞ্চলিক ছাত্র সন্থাৰ সাধাৰণ সম্পাদক  ধৰ্মেশ্বৰ দাসে।সভাত সদৌ নলবাৰী জিলা ছাত্র সন্থাৰ উপ-সভাপতি কল্প ৰাজবংশী উপস্থিত থাকি ছাত্র সন্থাৰ নীতি-আদৰ্শ সন্দৰ্ভত বক্তব্য প্ৰদান কৰে।সভাত জিলা 'আছু'ৰ শিক্ষা সম্পাদক ৰিয়াজুদ্দিন আহমেদ উপস্থিত থাকি ছাত্র-ছাত্রীক সদৌ অসম ছাত্র সন্থাৰ মজিয়াত নিষ্ঠা আৰু সততাৰে কাম কৰিবলৈ আহ্বান জনায়।ছাত্র সন্থাৰ মজিয়াত ছাত্র-ছাত্রী কেতিয়াও বিপথে পৰিচালিত নহয় বুলি উল্লেখ কৰে।জিলা আছুৰ ক্রীড়া সম্পাদক কংকন কলিতাই ছাত্র-ছাত্রীক আছুৰ মজিয়াত থাকি সামাজিক অনুষ্ঠানত জড়িত হৈ সেৱা আগবঢ়াবলৈ আহ্বান জনায়।জিলা আছুৰ সাংগঠনিক সম্পাদক মিলন দাসে ছাত্র-ছাত্রীক একাণপতীয়াকৈ অধ্যয়ন কৰি থাকিবলৈ আহ্বান জনায়।আল্লিয়া শাখা ছাত্র সন্থাৰ ২০ জনীয়া সমিতিখনত নীলোৎপল দাসক সভাপতি আৰু ক্ষীতিশ দাসক সম্পাদকৰ দায়িত্ব দিয়া হয়।উল্লেখ যে চৰকাৰৰ স্বাস্থ্য বিধি মানি সভাখন অনুষ্ঠিত কৰা হয়।