বিজেপিৰ পিতামহলৈ কলাইগাঁও বিজেপিৰ শ্ৰদ্ধাঞ্জলি

ওদালগুৰি জিলাৰ কলাইগাঁৱৰ কেন্দুকলাই সাহিত‍্য ভৱনত আজি ৰাজহুৱাভাৱে বিজেপিৰ পিতামহ প্ৰাক্তন প্ৰধান মন্ত্ৰী অটল বিহাৰী বাজপেয়ীলৈ ৰাজহুৱাভাৱে শ্ৰদ্ধাঞ্জলি জ্ঞাপন কৰা হয় ।

শ্ৰদ্ধাঞ্জলি অনুষ্ঠানত বাজপেয়ীৰ প্ৰতিচ্ছবিত বন্তি প্ৰজ্জ্বালন কৰে ওদালগুৰি জিলা বিজেপিৰ সভাপতি কাৰ্ত্তিক চন্দ্ৰ বড়োৱে । অনুষ্ঠানত কলাইগাঁও সমষ্টিৰ সমষ্টি বিস্তাৰক দীপৰঞ্জন সূত্ৰধৰ উপস্থিত থাকি বাজপেয়ীৰ  জীৱন আৰু আদৰ্শ সন্দৰ্ভত আলোকপাত কৰি আত্মাৰ সদ্‌গতি কামনা কৰে ।

ৰাজ‍্যিক বিজেপিৰ কাৰ্যনিৰ্বাহক নিৰঞ্জন সিং, জিলা সভাপতি কাৰ্ত্তিক চন্দ্ৰ বড়ো, কলাইগাঁও মণ্ডল বিজেপিৰ সভাপতি দিগন্ত বৰুৱা, সম্পাদক সোণেশ্বৰ ৰাভা, ওদালগুৰি জিলা যুৱ মৰ্চাৰ সম্পাদক নিলোৎপল হাজৰিকা, ওদালগুৰি জিলা এছ চি মৰ্চাৰ সভাপতি নাৰায়ণ সৰকাৰ, কলাইগাঁও মণ্ডল যুৱ মৰ্চাৰ সভাপতি চন্দন বৈশ‍্যকে

ধৰি কেবাগৰাকীও নেতা-কৰ্মীয়ে প্ৰাক্তন প্ৰধান মন্ত্ৰীগৰাকীৰ প্ৰতিচ্ছবিত বন্তি প্ৰজ্জ্বালন কৰি শ্ৰদ্ধাঞ্জলি জ্ঞাপন কৰে ।