চিৰাঙৰ বিজনীত ড্ৰাগছসহ সৰবৰাহকাৰীক আটক  

বঙাইগাঁৱৰ প্ৰতিবেদক: 

চিৰাং জিলাৰ বিজনী চহৰত আৰক্ষীৰ অভিযানত এজন ড্ৰাগছ সৰবৰাহকাৰী আটক কৰা হয়‌।বুধবাৰে বিয়লি প্ৰায় চাৰি মান বজাত বিজনী চহৰৰ ৩ নং ৱাৰ্ডৰ শীতলা মন্দিৰৰ সমীপত চলোৱা অভিযানত আৰক্ষীয়ে ছহিদ আলী (২৯) নামৰ এটা সৰবৰাহকাৰীক আটক কৰে।বিজনীৰ পুৰাণ বিজনী নিবাসী ছহিদ আলী নামৰ সৰবৰাহকাৰীটোৰ পৰা আৰক্ষীয়ে এটা ড্ৰাগছভৰ্তি কণ্টেইনাৰসহ আপত্তিজনক সামগ্ৰী জব্দ কৰে।পিছত ড্ৰাগছ সৰবৰাহকাৰীটোক আৰক্ষীয়ে আটক কৰি বিজনী থানালৈ লৈ যায়।