কলিয়াবৰৰ দুই কৃতী ছাত্ৰীক অভিনন্দন জ্ঞাপন প্ৰাক্তন মন্ত্ৰী ৰকিবুল হুছেইনৰ

কলিয়াবৰৰ পৰা প্ৰদীপ লস্কৰ:

নগাঁও চহৰৰ ৰেঁঁনেচা আৰু ৰামানুজন কনিষ্ঠ মহাবিদ্যালয়ৰ পৰা উচ্চতৰ মাধ্যমিক চুড়ান্ত পৰীক্ষাৰ কলা শাখাত কলিয়াবৰৰ দুই ছাত্ৰী ক্ৰমে প্ৰিয়াংসী গোস্বামীয়ে সপ্তম আৰু নম্ৰতা বৰুৱাই নৱম স্থান দখল কৰি কলিয়াবৰলৈ তথা নগাঁও জিলালৈ গৌৰৱ কঢ়িয়াই আনিলে।শুকুুৰবাৰে প্ৰদেশ কংগ্ৰেছৰ উপ-সভাপতি তথা প্ৰাক্তন মন্ত্ৰী ৰকিবুল হুছেইন জখলাবন্ধাস্থিত নম্ৰতা বৰুৱাৰ বাসগৃহত উপস্থিত হৈ শিক্ষাৰ্থী গৰাকীৰ লগতে তেওঁৰ পিতৃ-মাতৃক অভিনন্দন জনায়।শিক্ষা বিষয়ত অসমৰ ভিতৰতে সৰ্বোচ্চ নম্বৰ লাভ কৰিবলৈ সক্ষম হোৱা নম্ৰতা বৰুৱাৰ এই সফলতা আগলৈও বৰ্তি থকাৰ আশা প্ৰকাশ কৰে হুছেইনে।একোখন শৰাই,গামোচা আৰু সাংসদ গৌৰৱ গগৈয়ে আগবঢ়োৱা কিতাপৰ টোপোলা আগবঢ়ায় প্ৰাক্তন মন্ত্ৰীজনে।

ইয়াৰ পিছতে ৰকিবুল হুছেইন কলিয়াবৰৰ শান্তিপুৰস্থিত প্ৰিয়াংসী গোস্বামীৰ ঘৰত উপস্থিত হৈ প্ৰিয়াংসীকো শৰাই,গামোচা আৰু সাংসদ গৌৰৱ গগৈয়ে আগবঢ়োৱা কিতাপৰ টোপোলাটিৰে অভিনন্দন জনায়।হুছেইনে দুয়োগৰাকী ছাত্ৰী অধ্যয়নৰ ক্ষেত্ৰত যি ধৰণেৰে তেওঁৰ ফালৰ পৰা সহায়ৰ প্ৰয়োজন,সকলোখিনি সহায় আগবঢ়াব বুলি পৰিয়াল দুটিক আশ্বাস দিয়ে। ৰকিবুল হুছেইনৰ লগতে নগাঁও  এনএছইউআইৰ বিষয়ববীয়া,কলিয়াবৰ আৰু পশ্চিম কলিয়াবৰ ব্লক কংগ্ৰেছৰ সভাপতি যতীন বৰা আৰু শৈলেস দাস,কিষাণ কংগ্ৰেছৰ অধ্যক্ষ সুৰেন্দ্ৰ কুমাৰ বৰঠাকুৰ, এপিচিচিৰ সদস্য প্ৰদীপ বৰুৱা,জিলা কংগ্ৰেছৰ সদস্য তপন বৰা,কলিয়াবৰৰ যুৱ কংগ্ৰেছ,এনএছইউআইৰ বিষয়ববীয়া আৰু সদস্যসকল উপস্থিত থাকে।