বলীউডৰ জনপ্ৰিয় অভিনেতা ইৰফান খানৰ দেহাৱসান:শোকস্তব্ধ কোটি কোটি অনুৰাগী

দেশ-বিদেশৰ কোটি কোটি অনুৰাগীক শোকস্তব্ধ কৰি অকালতে চিৰবিদায় ল'লে বলীউডৰ জনপ্ৰিয় আৰু সুদক্ষ অভিনেতা ইৰফান খানে।মুম্বাইৰ কোকিলাবেন হাস্পতালত বুধবাৰে শেষ নিশ্বাস ত্যাগ কৰে অভিনেতাজনে।মৃত্যুৰ সময়ত তেওঁৰ বয়স হৈছিল ৫৪ বছৰ।শাৰীৰিক অৱস্থা গুৰুতৰ অৱস্থাত খানক কিছুদিন পূৰ্বে হাস্পতালত ভৰ্তি কৰোৱা হৈছিল।তেওঁ ক'লন সংক্ৰমণত আক্ৰান্ত হৈছিল।উল্লেখ্য যে ২০১৮ চনত কৰ্কট ৰোগত আক্ৰান্ত হোৱাৰ পিছত দীৰ্ঘ দিন ধৰি চিকিৎসা কৰাৰ অন্তত যোৱা বছৰ আৰোগ্য লাভ কৰিছিল।মকবুল,হিন্দী মিডিয়াম আদি বহু মানসম্পন্ন ছবিত অভিনয় কৰি ইৰফানে ভাৰতবাসীৰ হৃদয় জয় কৰিছিল।ইৰফানৰ শেষৰখন ছবি আছিল 'অংৰেজী মিডিয়াম'।