অভিনয় শিল্পী গুণ মহন্ত আৰু নাই

অসমৰ সাংস্কৃতিক জগতৰ বাবে এক দুঃখবৰ ৷ অসমীয়া চলচ্চিত্ৰ জগতৰ চিৰপৰিচিত শিল্পী গুণ মহন্ত আৰু নাই ৷

অসমীয়া চলচ্চিত্ৰ আৰু নাট্য জগতক কেইবা দশকজুৰি নিজৰ শিল্পী প্ৰতিভাৰে উজলাই ৰখা এইগৰাকী স্বকীয় শিল্পীয়ে আজি শেষ নিস্বাস ত্যাগ কৰে ৷ উল্লেখ্য যে নগাঁৱৰ শিল্পী গুণ মহন্ত বহু দিন ধৰি শাৰীৰিক অসুস্থতাত ভুগি আছিল ।

নিজৰ স্বভাৱসুলভ অভিনয় আৰু হাস্যৰসিকতাৰে সকলোৰে হৃদয় জিনিবলৈ সক্ষম হোৱা গুণ মহন্তই ৫০খনৰো অধিক পূৰ্ণদৈৰ্ঘ্যৰ আৰু সৰু পৰ্দাৰ ছবিত অভিনয়েৰে অসমীয়া ছবি জগতলৈ বিশেষ অৰিহণা যোগাই গৈছে ।

গুণ মহন্তৰ বিয়োগে অসমৰ সাংস্কৃতিক ক্ষেত্ৰত এক অপূৰণীয় ক্ষতি কৰিব । শিল্পীগৰাকীৰ মৃত্যুত অসমৰ সাংস্কৃতিক জগতত শোকৰ ছাঁ পৰিছে ৷