সাংবাদিকৰ গীত-মাত-কথা-কবিতাৰে জীপাল নলবাৰী ৰাসৰ গ্ৰন্থমেলা

নলবাৰীৰ পৰা হেমন্ত কলিতা:

উদুলি-মুদুলি পৰিৱেশত চলিছে নলবাৰী ৰাস মহোৎসৱ। যোৱা ১২ নৱেম্বৰৰ পৰা নলবাৰী শ্ৰীশ্ৰী হৰি মন্দিৰত চলি থকা ৰাস মহোৎসৱৰ সামৰণি পৰিব অহা ২৪ নৱেম্বৰত। ৰাস মহোৎসৱৰ গ্ৰন্থমেলাথলীত শনিবাৰে নিশা 'সাংবাদিকৰ হিয়াৰ মেল' অনুষ্ঠিত কৰা হয়। দিলজিৎ বৰ্মন আৰু পংকজ বৰ্মনে আঁত ধৰা অনুষ্ঠান সাংবাদিকৰ গীত-মাত- কথা-কবিতাৰে জীপাল হৈ উঠে। অনুষ্ঠানত সাংবাদিক কমলেশ শৰ্মা, ব্ৰজেন তালুকদাৰ, ফাইজুৰ ৰহমান, মহিবৰ ৰহমান, মনোজ শৰ্মা, ৱাহিদুজ জামান,উদ্ধৱ ঠাকুৰীয়া, শ্বাহ আলম আহমেদ, অজিত বৰ্মন,অতুল ভূঞা, জ্ঞানজ্যোতি শইকীয়া, শশাংক শৰ্মা, প্ৰাঞ্জল শৰ্মা, প্ৰনৱ কলিতা,কৈলাস ডেকা,পংকজ কলিতা আদি উপস্থিত থাকে। ৰাষ্ট্ৰীয় প্ৰেছ দিৱস উপলক্ষে সাংবাদিকসকলক একোটাকৈ কলম দি উদ্যোক্তাসকলে শুভেচ্ছা জ্ঞাপন কৰে।।