সোণাৰিত ৰাষ্ট্ৰীয় প্ৰেছ দিৱস পালন

সোণাৰিৰ পৰা ঘন বৰা:

সমগ্ৰ ৰাজ্যৰ লগতে সোণাৰিতো ৰাষ্ট্ৰীয় প্ৰেছ দিৱস পালন কৰা হয়।চৰাইদেউ জিলা প্ৰশাসনৰ উদ্যোগত তথা আৰু জনসংযোগ বিভাগ,চৰাইদেও আৰু চৰাইদেও জিলাৰ সংবাদসেৱীসকলৰ সহযোগত চৰাইদেউ জিলা উপায়ুক্ত কাৰ্যালয় সভাকক্ষত শনিবাৰে ৰাষ্ট্ৰীয় প্ৰেছ দিৱসৰ কাৰ্যসূচী অনুষ্ঠিত কৰা হয়।উপায়ুক্ত দীপক কুমাৰ সন্দিকৈৰ সভাপতিত্বত অনুষ্ঠিত সভাত বিশিষ্ট অতিথি হিচাপে উপস্থিত থাকি ভাষণ প্ৰদান কৰে সোণাৰি মহাবিদ্যালয়ৰ ইংৰাজী বিভাগৰ প্ৰবক্তা ডঃ সুনীল দত্তই।তেওঁ সংবাদসেৱীসকলক সত্যনিষ্ঠাৰে বাতৰি পৰিৱেশন কৰিব বাবে আহবান জনোৱাৰ লগতে সাংবাদিকক নিৰাপত্তা আৰু ভাত্তা দিবৰ বাবে চৰকাৰক আহবান জনাই।তদুপৰি জিলাৰ  উপায়ুক্ত দীপক কুমাৰ সন্দিকৈ,আৰক্ষী বিষয়া আনন্দ মিশ্ৰ, উপায়ুক্ত দীপক কুমাৰ সন্দিকৈৰ লগতে সঞ্জীৱ গগৈ,কেশৱ গগৈ,নাৰায়ণ দে',গৌতম গগৈ,ভাস্কৰ ভাজনী আদিয়ে বক্তব্য প্ৰদান কৰে।ৰাষ্ট্ৰীয় প্ৰেছ দিৱসৰ কাৰ্যসূচীত চৰাইদেউ প্ৰেছ গীল্ডৰ সভাপতি সূৰ্য্য কুমাৰ বৰাক প্ৰশাসনে সম্বৰ্ধনা জনায়।