বাজপেয়ীৰ মৃত্যুত ৰঙিয়াৰ বিভিন্ন অনুস্থান-প্ৰতিষ্ঠানৰ শোক প্ৰকাশ 

প্ৰাক্তন প্ৰধানমন্ত্ৰী, ভাৰতৰত্ন অটল বিহাৰী বাজপেয়ীৰ মৃত্যুত অখিল ভাৰতীয় বিদ্যাৰ্থী পৰিষদে ৰঙিয়া পৌৰসভাৰ কাৰ্য্যালয়ৰ  সমীপৰ মহাত্মা গান্ধীৰ প্ৰতিমূৰ্তি স্থলীৰ সন্মুখত এক শ্ৰদ্ধাঞ্জলি অনুষ্ঠান অনুষ্ঠিত কৰে। উক্ত অনুষ্ঠানটোত বন্তি প্ৰজ্বলন কৰে পৌৰ সভাৰ সদস্য দীপেন চক্ৰৱৰ্তী আৰু বিজেপি নেতা ৰঞ্জন উপাধ্যায়ে।বিজেপি নেতা দুগৰাকীয়ে বন্তি প্ৰজ্বলন কৰি প্ৰাক্তন প্ৰধানমন্ত্ৰী গৰাকীৰ জীৱন সম্পৰ্কত ব্যাখ্যা আগবঢ়োৱাৰ লগতে বিজেপি দলে এজন পিতামহ ব্যক্তিক হেৰুৱালে বুলিও কয়।

অনুষ্ঠানটোত উপস্থিত থাকি অখিল ভাৰতীয় বিদ্যাৰ্থী পৰিষদৰ জিতু দাস,বিজেপি নেতা দিনেশ মহন্তইও প্ৰাক্তন প্ৰধান মন্ত্ৰী গৰাকীৰ প্ৰতি শ্ৰদ্ধাঞ্জলি জ্ঞাপন কৰে।সমাজকৰ্মী মহন্তই নেতা গৰাকীলৈ শ্ৰদ্ধা জানাই কয় যে দেশবাসীয়ে এগৰাকী যুগদ্ৰষ্টা,স্বপ্নদ্ৰষ্টা,নিৰ্ভীক,নিষ্ঠাৱান মানৱ দৰদী নেতাক হেৰুৱালে । অনুষ্ঠানটোতে অখিল ভাৰতীয় বিদ্যাৰ্থী পৰিষদৰ সদস্য-সদস্যা সকলেও অটল বিহাৰী বাজপেয়ীৰ মৃত্যুতনেতা গৰাকীলৈ  শ্ৰদ্ধা নিবেদন কৰে।অনুষ্ঠানটো পৰিচালনা কৰে ধ্ৰুৱজ্যোতি শালৈ আৰু নিতুমণি ৰাজবংশীয়ে। ইফালে

ৰঙিয়া ষ্টেচনস্থিত স্পৰ্শ হাস্পাতালতো প্ৰাক্তন প্ৰধানমন্ত্ৰী গৰাকীৰ আত্মাৰ সদগতি জনায় শ্ৰদ্ধাঞ্জলি অনুষ্ঠানৰ আয়োজন কৰে।স্পৰ্শ হাস্পাতালৰ বিষয়া কৰ্মচাৰী সকলে মৌন প্ৰাৰ্থনা কৰি নেতাগৰাকীৰ প্ৰতি শোক প্ৰকাশ কৰাৰ লগতে
স্পৰ্শ হাস্পাতালৰ মুখ্য প্ৰবন্ধক ডাক্তৰ ভৰত বৈশ্যই অটল বিহাৰী বাজপেয়ীৰ প্ৰতিচ্ছবিত বন্তি জ্বলাই শ্ৰদ্ধাঞ্জলী জ্ঞাপন কৰে।বন্তি প্ৰজ্বলন কৰি প্ৰবন্ধক গৰাকীয়ে কয় যে এজন মহান নেতাক দেশবাসীয়ে হেৰুওৱাৰ উপৰি ভাৰতীয় ৰাজনীতিৰ এটা স্বৰ্ণিল যুগৰ অৱসান ঘটা বুলিও তেওঁ মন্তব্য কৰে।অনুষ্ঠানটোত উপস্থিত থাকি ডাক্তৰ অৰ্ণৱ প্ৰতিম বৰুৱা,প্ৰবন্ধক গকুল কলিতা,সহ প্ৰবন্ধক কামালুৰ জামান,ছাত্ৰ নেতা বুবুল আলী,গ্লৱেল কম্পিউটাৰ চেন্টাৰৰ অধ্যক্ষ মহম্মদ গুলফামে মহান নেতাগৰাকীৰ প্ৰতি শ্ৰদ্ধাঞ্জলি জ্ঞাপন কৰে। 

প্ৰাক্তন প্ৰধান মন্ত্ৰী গৰাকীৰ মৃত্যু সদৌ অসম ছাত্ৰ সন্থাৰ তথ্য আৰু কাৰ্য্যালয় সম্পাদক ধৰ্মেশ্বৰ দাস,কামৰূপ জিলা ছাত্ৰ সন্থাৰ সাঃসম্পাদক হেমন্ত দাসেও প্ৰাক্তন প্ৰধানমন্ত্ৰী গৰাকীৰ মৃত্যুত গভীৰ শোক প্ৰকাশ কৰে।