চাপৰৰ হাতীপোতাত পথ দুৰ্ঘটনাত নিহত এজন

সমগ্র দেশে স্বাধীনতা দিৱস পালন কৰি থকাৰ সময়তে এটা পথ দুৰ্ঘটনাই মর্মাহত কৰিলে হাতীপোতা অঞ্চলবাসীক ৷

ঘটনাৰ বিৱৰণী মতে, আজি পুৱা ৬ বজাত দুখন ট্রাকৰ মুখামুখি সংঘৰ্ষত দুয়োখন ট্রাকৰ চালক আৰু হেণ্ডিমেন গুৰুতৰভাৱে আহত হয় আৰু এখন ট্রাকৰ চালকৰ মৃত্যু হয় ৷

শ্বিলঙৰ পৰা অহা এ এছ-১৭ বি ২৮৬১ কাঠবাহী ট্রাক আৰু শিলিগুৰিৰ পৰা অহা কুকুৰাৰ দানাভৰ্তি ট্রাক দুখনৰ মুখামুখি সংঘৰ্ষ হয় ৷ শ্বিলঙৰ পৰা অহা ট্রাকখনৰ চালক সুজাল হক (২৩)ৰ চাপৰ প্রাথমিক চিকিৎসালয়ত মৃত্যু হয় ৷

ঘটনা সম্পর্কে চাপৰ আৰক্ষীৰ তদন্ত অব্যাহত আছে ৷