সন্ত্ৰাসবাদ বিৰোধী শ্লগানেৰে উত্তাল লংকাৰ উদালীৰ ফুলতলী

ৰাজ্যত বৃদ্ধি পোৱা জেহাদী কাৰ্যকলাপৰ বিৰোধিতাৰে পুৱা গ্ৰহণ কৰা হয় এক প্ৰতিবাদী কাৰ্যসূচী । শতাধিক ছাত্ৰ তথা স্থানীয় ৰাইজৰ অংশগ্ৰহণ কৰে উক্ত প্ৰতিবাদী কাৰ্যসূচীত । উদালীৰ চহিদুল আলম নামৰ যুৱকজন সন্ত্ৰাসবাদী সংগঠন হিজবুল মুজাহিদিনৰ সৈতে জড়িত থকাৰ অভিযোগত আৰক্ষীৰ হাতত গ্ৰেপ্তাৰ হোৱা কাৰ্যত লজ্জিত হৈ স্থানীয় ৰাইজে গ্ৰহণ কৰে এই প্ৰতিবাদী সভা ।

চহিদুল আলমৰ পৰিয়ালক সমাজৰ পৰা এঘৰীয়া কৰি উদালীৰ সমাজত সন্ত্ৰাসবাদৰ স্থান নাই বুলি ঘোষণা উদালী ফুলতলী বাসীৰ ৰাইজৰ । সন্ত্ৰাসবাদী নিপাত যাওক, অসমত সন্ত্ৰাসবাদীৰ স্থান নাই, সন্ত্ৰাসবাদীক ফাঁচী দিয়ক, সাতামপুৰুষীয়া ঐক্য বজাই ৰাখক আদি প্লেকাড লৈ প্ৰতিবাদী ধ্বনিৰে উত্তাল কৰি তোলে ফুলতলীৰ আকাশ বতাহ ।